AXBOROT-KUTUBXONA MARKAZIDA IJODIY UChRAShUV BOʻLIB OʻTDI
Oʻzbekiston Respublikasi Vazirlar Mahkamasining “2020-2025-yillarda kitobxonlik madaniyatini rivojlantirish va qoʻllab-quvvatlash milliy dasturini tasdiqlash toʻgʻrisida”gi Oʻzbekiston Respublikasi Vazirlar Mahkamasi Qarori hamda Oʻzbekiston Respublikasi Prezidentining 2023-yil 28-fevraldagi 27-sonli Farmoni bilan tasdiqlangan “2022-2026-yillarga moʻljallangan Yangi Oʻzbekistonning taraqqiyot strategiyasini “Insonga eʼtibor va sifatli taʼlim yili yili”da amalga oshirishga oid “Davlat dasturi”da belgilangan vazifalar ijrosini taʼminlash maqsadida Oʻzbekiston Respublikasi Prezidenti huzuridagi Axborot va ommaviy kommunikatsiyalar agentligi farmoyishiga koʻra “Kitobxonlik haftaligi” oʻtkazilmoqda.
Respublika boʻylab “Kitobsevar millat” shiori ostida oʻtkazilayotgan “Kitobxonlik haftaligi” shu yilning 10-aprelidan 15-apreligacha davom etadi.
Haftalikni yuqori saviyada oʻtkazish yuzasidan tuman Axborot-kutubxona markazida ham qizgʻin tayyorgarlik koʻrildi. Rejaga koʻra, kitobxonlar oʻrtasida sheʼriyat kechasi, davra suhbati, “Zakovat” intellektual oʻyini, kutubxonaga keltirilgan yangi kitoblar koʻrgazmasi, maktabgacha taʼlim tashkilotida “Ertaklar yaxshilikka yetaklar” mavzusida adabiy kecha, tuman tarixi muzeyiga sayohat, umumiy oʻrta taʼlim muassasalarida koʻchma kutubxonalar tashkil etish, yangi kitoblar koʻrgazmasi, 9-sonli Bolalar musiqa va sanʼat maktabida “Sanʼat olamiga sayohat” mavzusida tadbir oʻtkazish belgilab olingan edi.
Ushbu tadbirlar tuman Axborot-kutubxona markaziga tashrif buyuruvchilar soni oshishiga yoshlar, aholi orasida kitob oʻqishni keng targʻib etishga imkoniyat yaratmoqda. Tadbirlarga qamrab olingan yoshlarning kitoblarga qiziqishlari oshib, ular safi kengaymoqda.
Shu yil 13-aprelda Axborot-kutubxona markazida tashkillashtirilgan “Zamondosh ijodkorlar” nomli davra suhbati ham koʻpchilikda ulkan taassurotlar qoldirdi.
Haftalikka tayyorgarlik koʻrish va uni oʻtkazish boʻyicha belgilangan chora-tadbirlar dasturida ham oʻtkaziladigan suhbatlar, uchrauvlarda nashriyotlar, matbaa korxonalari, kitob savdo tashkilotlari qatorida ijodkorlarning ham ishtirokini taʼminlash belgilangan edi. Shunga muvofiq “Zamondosh ijodkorlar” nomli davra suhbatiga tumanimizning ijtimoiy-siyosiy va ommabop nashri – “Taraqqiyot koʻzgusi gazetasi ijodiy xodimlari, Oʻzbekiston jurnalistlar uyushmasi aʼzolari Oygul Rajabova, Ozoda Xudoyberganovalar taklif etildi.
Davra suhbatini Axborot-kutubxona markazi xodimi Rohatoy Romanova boshqarib bordi.
Jurnalist Oygul Rajabova, Ozoda Xudoyberganovalar kitobxon yoshlarga oʻzlarining ijodiy faoliyatlari, shuningdek, kitob oʻqishning ahamiyati xususida gapirib berdilar.
Tadbirda ishtirok etgan Amudaryo muxandislik texnikumining kutubxonashunoslik yoʻnalishida tahsil olayotgan yoshlar, ularning ustozlari, shuningdek kitobsevar yoshlar ularga oʻzlarini qiziqtirgan savollarni berib, batafsil javoblar oldilar.
“Kitobdin yaxshi yor boʻlmas”, deya yozgan edi Alisher Navoiy bobomiz. Ha, chindanda kitoblar – eng sodiq doʻst, yashashni oʻrgatuvchi ustoz, toʻgʻri yoʻlni koʻrsatuvchi mayoq.
Shu boisdan ham kitobxonlikni targʻib etish, ayniqsa, oʻsmirlarni, yoshlarni kitoblar mutolaasiga keng jalb qilish – dolzarb vazifa.
“Kitobsevar millat” shiori ostida III Respublika “Kitobxonlik haftaligi” doirasida tuman Axborot-kutubxona markazida oʻtkazilayotgan tadbirlar shu maqsadga xizmat qilmoqda.
Ravshanbek BAHROMOV
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
