56-sonli maktab oʻquvchilari 9-sonli Bolalar musiqa va sanʼat maktabiga sayohat qilishdi
Oʻzbekiston Respublikasi Prezidentining 2022-yil 2-fevraldagi “Madaniyat va sanʼat sohasini yanada rivojlantirishga doir qoʻshimcha chora-tadbirlar toʻgʻrisida”gi 112-sonli qarorida 2022-2023 oʻquv yilidan boshlab taʼlim muassasalarida oʻquvchilarning musiqiy bilim va koʻnikmalarini oshirish, ularning qalbida milliy madaniyatga boʻlgan muhabbatni shakllantirish, yosh isteʼdodlarni aniqlash va qoʻllab-quvvatashga qaratilgan qator vazifalar belgilangan edi.
Ushbu qarorda belgilangan vazifalarni amalga oshirish borasida tumanimizdagi 56-sonli maktabda ham bir qancha ishlar amalga oshirilayapti. Jumladan mazkur taʼlim muassasasida musiqiy taʼlim sifati va samaradorligini yangi bosqichga koʻtarishga, oʻquvchilarning musiqiy janrlarga va cholgʻu asboblariga boʻlgan qiziqishlarini yanada oshirishga katta eʼtibor berilayapti.
Yaqinda maktab oʻquvchilaridan bir guruhining 9-sonli Bolalar musiqa va sanʼat maktabiga sayohati amalga oshirildi.
Oʻquvchilar bu yerda xalq cholgʻuchiligi, anʼanaviy xonandalik va ijro, fortepiano, nazariya va solfedjio, baxshichilik, xoreografiya va teatr boʻlimlari faoliyatlari bilan yaqindan tanishdilar.
Maktabning ijodiy-madaniy masalalar boʻyicha targʻibotchisi Allambergan Jumaniyozov va musiqa fani oʻqituvchisi Jasur Jumaniyazovlar tomonidan amalga oshirilgan bu sayohat oʻquvchilarda katta taassurot qoldirdi.
Kamronbek BOZORBOYeV, maktabning “Yosh jurnalistlar” toʻgaragi aʼzosi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
