SANITARIYa EPIDEMIOLOGIK-OSOYIShTALIK VA JAMOAT SALOMATLIGI BOʻLIMI MUTAXASSISLARI “MAHALLABAY” IShLASh TARTIBIDA MUAMMOLARNI OʻRGANIShMOQDA
Amudaryo tumani sanitariya epidemiologik-osoyishtalik va jamoat salomatligi boʻlimi mutaxassislarining tuman aholi punktlarida aholining sanitariya-epidemiologik osoyishtaligi bilan bogʻliq muammoli masalalarini hal etishning yangicha “mahallabay” ishlash tizimini tashkil etish orqali xalqimizning sanitariya madaniyatini yuksaltirishga alohida eʼtibor qaratishmoqda.
Shu maqsadda Amudaryo tumani sanitariya epidemiologik-osoyishtalik va jamoat salomatligi boʻlimi boshligʻi Gulmurod Bekiyev boshchiligida bir guruh mutaxassislar Choykoʻl OFY hududida axoli xonadonlarining orastiligini taʼminlash bilan bogʻliq muammolarni hal etish va ovul aholisining sanitariya madaniyatini oshirish, aholi orasida yuqumli, parazitar kasalliklar kelib chiqishining oldini olish va inson salomatligiga taʼsir etuvchi omillarni oʻrganish hamda bartaraf etish, shuningdek, atrof-muhitni muhofaza qilish borasida jamoatchilik vakillari bilan birga aholi xonadonlariga kirib, sanitariya-gigiyena targʻibot ishlarini amalga oshirmoqdalar.
Aholi xonadonlarini oʻrganish natijasida aniqlangan muammolar yechimi toʻgʻrisida joriy yilning 25-may kuni Choykoʻl ovul fuqarolar yigʻini binosida aholi bilan ochiq muloqot tarzidagi uchrashuv oʻtkazildi. Uchrashuv tadbirida fuqarolar, ishchi guruh aʼzolari, mahalla faollari, hududdagi korxona va tashkilotlar xodimlari, tadbirkorlar qatnashdilar.
Tadbir davomida Amudaryo tumani sanitariya epidemiologik-osoyishtalik va jamoat salomatligi boʻlimi boshligʻi Gulmurod Bekiyev, Oʻzbekiston Respublikasi “Aholining sanitariya-epidemiologik osoyishtaligi toʻgʻrisida”gi, “Fuqarolar sogʻligini saqlash toʻgʻrisida”gi Qonunlari ijrosi boʻyicha tumanda olib borilayotgan ishlar va aholi orasida uchraydigan baʼzi oʻtkir yuqumli ichak kasalliklari, oʻtkir va surunkali virusli gepatit kasalliklari, oʻta xavfli yuqumli kasalliklar hamda parazitar bezgak kasalligining oldini olishdagi samarador usullar toʻgʻrisida maʼlumotlar berdi.
Bundan tashqari, aholining ichimlik suviga qoʻyiladigan gigiyenik talablar toʻgʻrisida hamda aholi xonadonlarida hovli qurilmalarini sanitariya-gigiyena talablariga mos ravishda joylashtirish, oshxona jihozlarini toza saqlash va har kungi hosil boʻlgan chiqindilarning oʻz vaqtida olib ketilishini taʼminlash bilan bogʻliq muammolar yechimini hal etish, yuqumli kasalliklarning oldini olishga qaratilgan asosiy tadbirlar toʻgʻrisida zarur tushunchalar berdi.
Ishchi guruhning Choykoʻl ovuli hududidagi aholi xonadonlarini oʻrganishlari natijasida aniqlangan muammolarni bartaraf etish maqsadida Sanitariya epidemiologik-osoyishtalik va jamoat salomatligi boʻlimi hamda mahalla raisi, mahalla faollari aholiga Sanitariya-epidemiologik osoyishtaligi bilan bogʻliq muammoli masalalarini hal etish, xonadonlarning sanitariya holati, ichimlik suv manbalari va hovli sanitariya qurilmalari hamda xonadon oshxonasi, ularning jihozlanishi, idishlarning toʻgʻri yuvilishi, chiqindilarning olib ketilishi bilan bogʻliq muammolar yechimi toʻgʻrisida oʻz takliflarini berdilar.
Tadbir davomida mutaxassislar tomonidan aholi orasida yuqumli, parazitar, ayniqsa, qutirish kasalliklarning oldini olish va inson salomatligiga taʼsir etuvchi omillarni va ularni bartaraf etish, shuningdek, atrof-muhitni muhofaza qilish borasidagi oʻzlarining tegishli tavsiyalarini berdilar.
Jamol Kamolov, Amudaryo tumani SEO va JS parazitolog-shifokori.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
