BOYOVUL MAHALLASIDA ISTIQLOL ŞUKUHI

Istiqlolimizning 32 yillik tantanasi yaqinlaşayotgan ayni kunlarda mustaqil yurtimiz aro bayram şukuhi kezmoqda. Xalqimiz uçun aziz va qadrli bölgan Mustaqillik şunday uluğ neʼmatki, u özimiz va özligimizni, milliy anʼana va qadriyatlarimizni anglaş imkonini berdi. U tufayli özligimizga qaytib, milliy davlatçiligimiz, boy tariximiz va maʼnaviyatimiz, asosiysi, haq-huquq va qadr-qimmatga ega böldik. Diyorimizning har bir göşasidagi özgarişlar, bunyodkorliklar, obodlik va farovonliklar hammasi mustaqillik bergan imkoniyatlar mevasidir.

Bayram yaqinlaşayotgan ayni kunlarda har bir mahalladagi xonadonlardan tortib, taʼlim muassasalari, taşkilot va korxonalarda Vatanimiz mustaqilligining 32 yilligini munosib kutib olinayotgani, bunda ularga “Yangi hayot uçun, Yangi Özbekiston uçun!” şiori yanada kötarinkilik baxş etayotganini köriş mumkin.

17-avgust kuni Boyovul mahallasidagi 16-sonli ixtisoslaştirilgan davlat umumtaʼlim maktabi hovlisida fuqarolar yiğini masʼullari va köçaboşçi ayollar tomonidan taşkil etilgan ”Qadriyatlarimiz – bebaho boyligimiz” nomli bayram tadbiri ötkazildi. Tadbirda tuman hokimi örinbosari Gözal Soburova hamda fuqarolar yiğini masʼullari, köçaboşçi va faol ayollar, mahalla aholisi, 16-sonli maktabning öqituvçi va öquvçilari iştirok etişdi.

Tadbirga taşrif buyurganlar mahallada yaşovçi hunarmandlarning qöl mehnatlari namunalaridan taşkil qilingan körgazmani tomoşa qildilar. Körgazmaga qöyilgan milliy va zamonaviy ayollar liboslari, quroq körpaça va yostiq jildlari, yumşoq öyinçoqlar, rangli iplardan töqilgan turfa gullar, uy-rözğor buyumlari, temirçilik mahsulotlari mehmonlarga nihoyatda manzur böldi.

Oçiq dasturxon atrofida taşkil etilgan bayram tadbirini fuqarolar yiğini raisi Erkin Husainov oçib berdi va barçani mustaqillik bayrami bilan qizğin qutladi. Şuningdek, tuman hokimi örinbosari Gözal Soburova va mahallaning yoşi uluğ nuroniylari ham sözga çiqib, istiqlol bergan neʼmatlar, imkoniyatlar haqida söz yuritdilar. Tumanimizda bugun yoşlarimiz barça şaroitlar yaratilgan maktab va maktabgaça taʼlim taşkilotlarida taʼlim-tarbiya olişayotgani, köplab oilalar özining zamonaviy tipdagi hovlisi, uy-joyi, yurtimizda işlab çiqilgan yengil avtomaşinasiga egaligini, mahallalarda tinçlik va totuvlik hukmronligi, xursandçilik, töy-tantana va bayramlar avjidaligi, bularning barçasi, mustaqillikning bizga bergan uluğ neʼmati ekanligini faxru-iftixor bilan sözlab ötişdi.

Şundan söng, 16-sonli maktab va mahallaning faol ayollari iştirokida tayyorlangan bayram tomoşalariga navbat berildi. Ayollar sahna körinişlarida milliy urf-odatlarimizga köra qiz tanlaş, sovçi kutiş, qiz uzatiş kabi marosimlarni çiroyli tarzda ifodalab berişdi. Onaxonlar öz ijrolari orqali azaldan kelin-kuyov tanlaş ota-onaning vazifasi hisoblangani, avval bölğusi kelin tanlanişi, bunda yoşlarning yulduzi töğri keliş-kelmasligi, qizning nasl-nasabi suriştirilişi, qiz topilgaç, uning uyiga sovçilikka borilişini, töy marosimlarida keksa yoşli, baʼmani nuroniylar iştiroki, ularning boş bölişi zarur va öta muhim hisoblanişini körsatib berişdi.

Kayvoni, gapga çeçan onaxonlar ijrosidagi “Yor-yor” va “Kelin salom”lar, asrlar oşa davom etib kelayotgan udumlarimiz ham yoşlarga nihoyatda manzur böldi. Dutorçi qiz Şohinur Madaminova çalgan kuy-navolar, öquvçi-qizlarning dilrabo raqslari bayram iştirokçilariga xuş kayfiyat ulaşdi.

Mehmonlar bayram dasturxonidagi turli noz-neʼmatlar, milliy taomlardan tatib, şunday dorilomon kunlarga yetkazganiga şukronalar aytişdi, mustaqilligimiz abadiy bölişini tilab, duolar qilişdi.

Qiziqarli ötgan tadbir butun mahalla ahliga bayramona ruh, kötarinkilik baxş etdi.

O.Xudoyberganova.