MANGʻIT DEHQON BOZORIDAGI DOʻKONLAR, BAYRAM YaRMARKASIDAGI OZIQ-OVQAT MAHSULOTLARINING SIFATI NAZORAT QILINDI
Mamlakatimizda aholiga qulayliklar yaratish maqsadida hukumatimiz tomonidan belgilangan joylarda doimiy yoki vaqtinchalik asosda faoliyat koʻrsatadigan hamda savdo rastalari, savdo oʻrinlari va turgʻun savdo shoxobchalaridan foydalangan holda keng turdagi qishloq xoʻjaligi, oziq-ovqat mahsulotlarining va uni qayta ishlashdan olinadigan mahsulotlarining chakana savdosi uchun zarur shart-sharoitlar yaratilmoqda.
Bozorda savdo qiluvchi xususiy tadbirkorlik subʼektlari, yakka tadbirkorlar zimmasiga sogʻlomligi xususida tibiiy maʼlumotga ega boʻlish shuningdek, oʻz savdo hududini ozoda, sanitariya-gigiyena qoidalariga muvofiq tutish, yaroqlilik muddati oʻtgan mahsulotlarni savdoga chiqarmaslik, xaridorlar bilan xushmuomalalik bilan savdo qilish majburiyati yuklangan.
Bu qoidalarga rioya etilishi esa tegishli tashkilotlar tomonidan nazorat qilib boriladi. Boisi orastalik boʻlmagan hududda oziq-ovqat, qishloq xoʻjaligi mahsulotlari sotilishi yoxud yaroqlilik muddati oʻtgan mahsulotlarning sotilishi aholi orasida turli ovqatdan zaharlanish holatlarini keltirib chiqishi mumkin.
Joriy yilning 27-dekabrida Amudaryo tumani Sanitariya-epidemiologik osoyishtalik va jamoat salomatligi boʻlimining bir guruh xodimlari tuman Dehqon bozori hududidagi Yangi yil bayrami munobabati bilan tashkil etilgan oziq-ovqat va qishloq xoʻjaligi mahsulotlari yarmarkasi va bozor hududidagi savdo oʻrinlarida sotilayotgan mahsulotlarning sifatini nazorat qildilar.
Qayd etish lozimki, Yangi yil bayrami munosabati bilan aholini xavfsiz va arzon oziq-ovqat, qishloq xoʻjaligi mahsulotlari bilan taʼminlash uchun tashkil etilgan yarmarka ish boshlaganidan to faoliyati yakunlanguncha ushbu savdo oʻrinlarida, bozor hududida sifatsiz mahsulotlar savdoga chiqarilishining oldini olish uchun tuman Sanitariya epidemiologik osoyishtalik va jamoat salomatligi boʻlimi xodimlaridan uch nafarining har kuni doimiy ravishda nazorat olib borishi belgilangan.
Mazkur nazorat tadbirida boʻlim oliy toifali shifokori Munavvar Kashkarova, shifokor yordamchilari Bahodir Xolmurodov, Komil Bozorboyevlar Mangʻit dehqon bozori hududi veterinariya-sanitariya laboratoriyasi laboranti Olimjon Naʼmatullayev hamrohligida qatnashdilar.
Tadbir davomida bozor hududidagi doʻkonlarda va bayram yarmarkasidagi savdo oʻrinlarida sotilayotgan mahsulotlarning sifati, yaroqlilik muddatiga amal qilinishi koʻzdan kechirildi. Ushbu jarayonda sifatsiz, muddati oʻtgan mahsulot sotilishi natijasida uni isteʼmol qilganlar botulizm kasalligiga chalinishi va turli darajada ovqatdan zaharlanishi mumkinligi keng tushuntirildi. Shuningdek, savdo qilayotgan xaridorlarga ham mahsulotni yaroqlilik muddatini oʻqib, sifatli ekanligiga ishonch hosil qilgach, xarid qilish lozimligi targʻib etildi.
Hammamiz intiqib kutgan Yangi yil bayrami yaqinlashmoqda. Xalqimiz quvonchli damlarini, bayramlarni yaqinlari, doʻst-birodarlari bilan birga nishonlashga odatlangan. Tashrif buyuruvchilarga dasturxon yozib, borimizni toʻkamiz, totli neʼmatlar qoʻyamiz. Albatta, bunday vaqtlarda ovqatdan zaharlanish kabi koʻngilsiz hodisalar sodir boʻlmasligi uchun masʼul tashkilotlar xodimlari xizmatda.
Oygul RAJABOVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
