YILDAN-YILGA TIBBIY XIZMAT SIFATI OShIB, SOGʻLOM TURMUSh TARZI BARQARORLAShMOQDA

Mamlakatimizda izchil amalga oshirib kelinayotgan islohotlar natijasida tibbiyot sohasi katta oʻzgarishlar, yangilanishlarga yuz tutmoqda.  Islohotlar doirasida Amudaryo tumanidagi Tibbiyot birlashmasida yoʻlga qoʻyilgan amaliy ishlar ham tibbiy xizmat sifatini oshirishda muhim ahamiyat kasb etmoqda.

Tuman Tibbiyot birlashmasi tarkibida 415-oʻrinli Markaziy shifoxona, 36-oʻrinli xoʻjalik hisobidagi reabilitatsiya boʻlimi, 14ta ambulatoriya-poliklinika muassasasi, 1ta koʻp tarmoqli markaziy poliklinika, 9ta oilaviy poliklinika va 4ta oilaviy shifokorlik punkti faoliyat koʻrsatmoqda. 

Tuman markazida yashovchi aholiga koʻp tarmoqli markaziy poliklinikada jami 102 nafar shifokor, shundan  34 nafari umumiy amaliyot shifokorlari va 183 nafar oʻrta tibbiyot xodimlari, shundan 68 nafar patronaj hamshiralari tibbiy xizmat koʻrsatadi. Qishloqlarda yashovchi aholi esa 91 nafar umumiy amaliyot shifokorlari va 328 nafar oʻrta tibbiyot xodimlari, shundan 212 nafar patronaj hamshiralarning tibbiy xizmatidan foydalanadi.

Tez tibbiy yordam xizmati boʻyicha markazda 5ta brigada, shundan 1tasi reanimatsion, 11ta shoxobcha faoliyat koʻrsatadi.  2023-yil 11 oyi davomida  tez tibbiy yordam xizmatiga murojaatlar soni – 51334ta boʻlsa, 50878tasiga tibbiy yordam berildi.

2023-yilning 11 oyi davomida 4574 nafar chaqaloq tugʻilgan. Bolalarda 13 tur  yuqumli kasalliklarining oldini olish boʻyicha rejali emlash muolajalari kalendar asosida haftaning belgilangan kunlari tuman SEO va JS boʻlimi bilan birgalikda olib borilmoqda. Shunga koʻra 11 oy davomida jami 57578 nafar bolalar emlangan, 73114 nafar bolalar tibbiy koʻrikdan oʻtkazilgan.

Uy sharoitida tayyorlangan ovqatlarni boyitish maqsadida 6-23 oylik bolalardan 1638 nafariga 3732ta mikronutriyent kukuni tarqatilgan. Shuningdek, 37 nafar bolalarda jarrohlik amaliyoti oʻtkazilgan.  “Karlik 3-4 darajasi” tashxisi bilan yuqori texnologik jarrohlik amaliyoti oʻtkazilib,  1 nafar bolaga koxlear implantanti qoʻyilgan.  “Tugʻma yuqori lab va tanglay nuqsoni” tashxisi bilan esa 4 nafar bolaga jarrohlik amaliyoti oʻtkazilgan.

Tumanda 2023-yil 11 oy davomida tugʻish yoshidagi 52821 nafar ayol-qizlar tibbiy koʻrikdan  oʻtkazilib, 30905 nafarida ekstragenital kasalliklar aniqlangan. Shuningdek, 119 nafar homilador ayollarga 119 oʻram “Torivit” prenatal polivitamin kompleksi berilgan. Temir dori vositasi, yaʼni aferol tabletkalaridan  18-35 yoshli 725 nafar ayol-qizlarga 1500ta, 18-35 yoshli 6355 nafar ayol-qizlarga 22500ta foliy kislota tabletkasi tarqatilgan.

Tibbiyot birlashmasida 2023-yil 11 oy davomida 25679 bemor davolanib chiqqan va reja 122,8 foizga bajarilgan. Markaziy shifoxonada 2440ta jarrohlik operatsiyasi oʻtkazilgan.

Tuman hududida 91 nafar shifokor, 328 nafar oʻrta tibbiyot xodimlaridan iborat 91ta “tibbiyot brigadalari” tashkil etildi. Ushbu tibbiyot brigadalari tomonidan tuman aholisining 197908  nafari xatlovdan oʻtkazildi.

Joriy yilgi chuqurlashtirilgan tibbiy koʻrikdan oʻtkazish ishlari reja asosida olib borilib, koʻriklardan 202630 nafar aholidan 201930 nafari oʻtkazilgan va 58881 nafarida kasalliklar aniqlangan. Ularning 53676 nafari ambulator, 4948 nafari statsionar, 257 nafari sanatoriya-kurortlar sharoitda sogʻlomlashtirilgan.  Jumladan, 3175ta nikohlanuvchi shaxs tibbiy koʻrikdan oʻtkazilgan.

2023-yilda birlashmada moddiy-texnik bazani yaxshilash, samarali va sifatli tibbiy xizmat koʻrsatilishini taʼminlash kabilarga ham alohida eʼtibor qaratildi. Shu maqsadida kardiologiya, shoshilinch qabul boʻlimlari 1 donadan elektrokardiograf, 7-, 72-sonli, Qizilcholi, Toʻlqin ovullaridagi OShPlar 1 donadan avtoklav bilan taʼminlandi. Tugʻruq majmuasiga yangi tugʻilgan chaqaloqlar uchun 1 dona kuvez inkubator uskunasi, yangi tugʻilgan chaqaloqlarga skrining audiometri, raqamli rangli ultratovushli doppler uskunasi keltirildi. Markaziy poliklinikaning boʻlimlari uchun 10 dona nebulayzer ingalyatorlari, reanimatsiya boʻlimiga 2 dona IVL, 1 dona stimulyator uskunalari, fizioterapiya boʻlimiga lazerli terapiya uskunalari olib berildi. Shuningdek, KTMP, OP, OShP patronaj hamshiralari 50 dona patronaj sumkalari bilan taʼminlandi.

Rejaga koʻra, kelayotgan 2024-yilda aholi murojaatlarini inobatga olib, Boʻzyop, Oʻrtaqalʼa, Choykoʻl, Qipchoq, Toshyop ovullari, Tor yop mahallasi oilaviy shifokorlik punktlarini bosqichma-bosqich qayta tashkil etishga alohida eʼtibor qaratiladi. Shuningdek, 5-, 71-sonli oilaviy poliklinikalar binolarini yangidan qurish, 2-, 4-sonli oilaviy poliklinikalarga qoʻshimcha bino qurish boʻyicha Davlat investitsiya dasturlariga takliflar kiritish choralari koʻriladi.

Sogʻliqni saqlash tizimida belgilangan vazifalarning amalga oshirilishi sohani yangi bosqichga olib chiqishga, koʻrsatilayotgan xizmatlarning sifati va fuqarolarning tibbiy xizmatdan foydalanish qulayliklarini yanada oshirishga, aholi salomatligini mustahkamlashga, turli kasalliklarning oldini olishga xizmat qiladi. Kelayotgan Yangi 2024-yil barchaga qutlugʻ boʻlsin! Har biringizga mustahkam sogʻliq, oilaviy baxt, xonadonlaringizga qut-baraka tilayman.

F.Abdullayev,

tuman Tibbiyot birlashmasi boshligʻi.