AMUDARYo TUMANI: JORIY YIL HOSILI UChUN SIFATLI ULUGʻLIK ChIGIT TAYYoRLASh NAZORATDA

Maʼlumki, qishloq xoʻjaligida yetishtiriladigan hosilning sifati va salmogʻi, albatta yaxshi tanlangan urugʻlik mahsulotlariga bogʻliq. Yer, suv sharoiti yaxshi, tuproq unumdorligi qanchalik yuqori darajada boʻlishidan qatʼiy nazar, yerga qadaladigan urugʻlikning sifati talabga javob bermasa, bunday ulugʻlikdan ungan hosil ham koʻngildagiday boʻlmaydi, rejalar barbod boʻladi. Shu bois, qishloq xoʻjaligi korxonalari tomonidan yerni ekishga sifatli tayyorlashdan tashqari, sifatli ulugʻlik mahsulotlarini ertadan tayyorlab qoʻyishga ham alohida eʼtibor qaratiladi.

Bu borada, Amudaryo tumanida kelgusi yil hosilining barakali boʻlishini taʼminlash maqsadida har yili bahorgi ekish mavsumida kelgusi yilgi dehqonchilik uchun zamin yaratiladi va sifatli urugʻlik tayyorlash choralari koʻriladi.

2024-yil hosili uchun davlat standartlari talabiga javob beradigan sifatli ulugʻlik chigit tayyorlash ishlarining borishi Agroinspektsiyaning Amudaryo tumani boʻlimi tomonidan nazorat qilib borilmoqda.

Amudaryo tumanida urugʻlik uchun qabul qilingan paxta xom ashyosi va uni saqlash boʻyicha oʻtkazilgan profilaktik tadbirlar davomida 2023-yil paxta hosilidan klaster korxonalari hamda elita urugʻchilik xoʻjaliklari tomonidan jami 2 ming 432.6 tonna urugʻlik paxta jamgʻarilgan.

Shuningdek, tumanda 1ta urugʻlik chigitni tayyorlash tsexi mavjud boʻlib, bugungi kunda rejadagi 905 tonna urugʻlik chigit saralash, dorilash va qadoqlash ishlari yakuniga yetib, qonunchilikda belgilangan talablarga mos ravishda sifatli saqlanmoqda.

Fermer xoʻjaliklarini yuqori sifatli urugʻlik chigit bilan taʼminlash maqsadida Agroinspektsiyaning tuman boʻlimi xodimlari va Inspektsiya qoshidagi Qishloq xoʻjaligi mahsulotlari sifatini baholash markazi Davlat muassasasining Qoraqalpogʻiston Respublikasi filiali tomonidan urugʻlik tayyorlovchi korxonaga malakali mutaxassis biriktirilgan.

Nazorat tadbirlari davomida sifatli urugʻlik chigit tayyorlash ishlarining qonunchilikda belgilangan talablarga rioya qilinishi yuzasidan Agroinspektsiya tomonidan amalga oshirilayotgan ishlar oʻrganildi.

Xususan, urugʻlik chigitni saralash, saqlash sharoitlari doimiy nazorat qilinib, namlik darajasi aniqlashtirilishiga alohida eʼtibor qaratayotganiga ahamiyat berildi. Unga koʻra, urugʻlik saqlanayotgan omborxona harorati muntazam bir xil, moʻʼtadil holatda boʻlishiga eʼtibor qaratilmoqda.

Shuningdek, 2024-yil hosili uchun ekilgan urugʻlik gʻalla maydonlarida agrotexnik tadbirlarning oʻz vaqtida sifatli oʻtkazilishi ham Agroinspektsiyaning Amudaryo tumani boʻlimi tomonidan nazorat qilib borilmoqda.

Tumanda 588 gektar maydonda 2024-yil hosili uchun urugʻlik gʻalla yetishtirish boʻyicha 22ta qishloq xoʻjaligi subʼektlari tanlov gʻolibi boʻlishgan. Hozirgi kunda ushbu maydonlarga goʻng chiqarish, xandaq qazish va mineral oʻgʻitlar bilan oziqlantirish ishlari olib borilmoqda.

Ayni paytda tumandagi urugʻlik gʻalla yetishtirishga masʼul boʻlgan “Sobir Yeshchan” fermer xoʻjaligi tomonidan 35 gektar urugʻlik gʻalla agrotexnika qoidalariga muvofiq parvarish qilinmoqda.

R.Yoʻldosheva.