Qoraqalpogʻiston Respublikasida xizmat koʻrsatgan madaniyat xodimi Xonimjon Rajabova “Moʻʼtabar ayol” koʻkrak nishoni bilan taqdirlandi
Xonimjon Rajabova 1957-yilda Amudaryo tumanining Kuyuk koʻpir qishlogʻida tugʻilgan.
1979-yilda ToshDU (hozirgi OʻzMU)ning jurnalistika fakultetini tomomlagan.
U 1979-yildan 1995-yilgacha Amudaryo tumanining ijtimoiy-siyosiy nashri “Amudaryo haqiqati” (hozirgi “Taraqqiyot koʻzgusi”) gazetasi tahririyatida oddiy muxbirlikdan mazkur gazeta bosh muharrirligigacha boʻlgan masʼuliyatli lavozimlarda faoliyat yuritgan.
Xonimjon Rajabova 1995-2012-yillarda Amudaryo tumani hokimining oʻrinbosari, xotin-qizlar qoʻmitasi raisi sifatida davlat va jamiyat hayotida faol ishtirok etdi.
2013-yildan to hozirgi kunga qadar Amudaryo tumani “Barkamol avlod” bolalar maktabi direktori lavozimida faoliyat yuritayotgan Xonimjon Rajabova Qoraqalpogʻiston Respublikasida xizmat koʻrsatgan madaniyat xodimi unvoni, Oʻzbekiston Respublikasi Konstitutsiyasining 25-yilligi koʻkrak nishoni, Qoraqalpogʻiston Xalq taʼlimi aʼlochisi, “Mahalla iftixori”, “Vatan fidoyisi” koʻkrak nishonlari sohibasi.
Yaqinda, 8mart – Xalqaro xotin-qizlar kuni bayrami arafasida Amu elining sevimli qizi Xonimjon Rajabovaning aziz xalqiga, ona Vataniga qilgan va qilayotgan xizmatlari hukumatimiz tomonidan yana bir marta eʼtirof etildi. U “Moʻʼtabar ayol” koʻkrak nishoni bilan taqdirlandi.
Elim, deb eliga evirilib yashayotgan, aziz xalqiga xizmat qilishni oʻziga sharaf deb bilgan ustoz jurnalist va shoira Xonimjon Rajabovani ushbu mukofot bilan chin dildan muboradbod etamiz. Yana uzoq yillar hayotda va ijodda yuksak marralarni zabt etib, el ichra aziz va hamisha moʻʼtabar boʻlib yashang, deymiz.
Amudaryo televideniyesi va “Taraqqiyot koʻzgusi” gazetasi, www.amunews.uz veb-sayti birlashgan tahririyati.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
