BÖZYoPLIK KITOBXON YoŞLAR DAVRASIDA

Kitob – insoniyatni zulmatdan yoruğlik sari eltuvçi mayoq. Ilm qadrini bilgan insonning hayot sifatini yaxşilovçi, maʼnaviyatini yuksaltiruvçi qudratli kuçdir. Aqlni çarxlab, köngilda ezgu orzular uyğotişga qodir mutolaa lahzalari har qanday odam ongida yaxşilik, mehr tuyğularini mustahkamlaydi.

“Taraqqiyot közgusi” gazetasi tahririyati ijodiy jamoasi tomonidan amalga oşirilayotgan “Najot – taʼlimda, najot – tarbiyada, najot – bilimda” şiori ostida yoşlar örtasida kitobxonlikni tarğib qilişga bağişlangan “Bilimli va maʼnaviyatli yoşlar bilan – Uçinçi Renessans sari” davlat granti loyihasi doirasidagi tadbirlarning mazmun-mohiyati ham ösib kelayotgan yoş avlodni ilm çöqqilarini egallaş va yuksak maʼnaviyat sohiblari bölişga daʼvat etiş, şu bilan birga, bilimdon va taşabbuskor yoşlarni tengdoşlariga örnak qilib körsatişga qaratilgani bilan muhim ahamiyat kasb etmoqda.

Özbekiston Respublikasi Oliy Majlisi huzuridagi nodavlat notijorat taşkilotlarini va fuqarolik jamiyatining boşqa institutlarini qöllab-quvvatlaş jamoat fondi tomonidan moliyalaştirilgan mazkur loyiha iş rejasiga köra, loyiha ijodkorlari joriy yilning 29-mart sanasida Amudaryo tumanining 3-sektori hududidagi 77-sonli umumtaʼlim maktabida bölişib, yoş kitobxonlar bilan uçraşdi.

Bözyop qişloği aholisining farzandlari taʼlim-tarbiya olayotgan mazkur öquv maskani, 2017-yilda qayta taʼmirlanib, zamonaviy talablar darajasida jihozlangan. 140 öquvçi öringa möljallangan taʼlim muassasasida ayni paytda 134 nafar bözyoplik ilmga çanqoq öquvçi-yoşlar taʼlim-tarbiya olişmoqda. 26 nafar öqituvçilarning 1 nafari oliy, 3 nafari 1-, 3 nafari 2-toifaga, qolganlari esa mutaxassis öqituvçilardir. Maktabda umumtaʼlim fanlari böyiça 14ta fan tögaraklari faoliyati yölga qöyilgan bölib, mazkur tögaraklarda salkam 90 nafar öquvçi şuğullanişadi. 6ta sport sektsiyasida olib boriladigan maşğulotlarning doimiy iştirokçilari esa 52 nafarni taşkil etadi.

Maktab öquvçilari uçun kitobxonlik eng qiziqarli maşğulotlar sirasiga kiradi. Zulxumor Yozboyeva rahbarlik qilayotgan maktab kutubxonasining kitoblar jamlanmasi 2600ta bölib, kutubxonada hozirgi zamon özbek bolalar adabiyoti namunalaridan tortib, jahon adabiyotining durdona asarlari tartib bilan terib qöyilgan.

Möʼjazgina kutubxonaning 90 nafar doimiy aʼzolari bilan birgalikda kutubxona mudirasi Zulxumor Yozboyeva turli sanalar munosabati bilan adabiy-badiiy davra suhbatlari, taniqli şoir va yozuvçilarning hayoti va ijodiy faoliyatiga bağişlangan muşoiralar, şeʼriyat bayramlari taşkil etilayotganidan bildikki, kitobxon öquvçi-yoşlar uçun maktab kutubxonasi haqiqiy maʼnaviyat maskaniga aylangan.

Maktab direktori Şavkat Törayev, maʼnaviy-maʼrifiy işlar böyiça direktor örinbosari Muhabbat Manğitovalarning eʼtirof etişlariça, kitobxon öquvçilar orasida A.Navoiy, Z.M.Bobur, Furqat, Zulfiyaxonim, H.Olimjon, E.Vohidov, A.Oripov, H.Xudoyberdiyeva, Ibroyim Yusupov, Muhammad Yusuf asarlarining bilimdonlari köp. Buni biz kitobxon öquvçi-yoşlarning özlari öqigan kitoblar, kitoblardan olgan taassurotlari haqida tölqinlanib sözlaşlaridan his etdik.

8-sinf öquvçisi Saodat Jumaboyeva Alişer Navoiyning “Xamsa”si, Ötkir Hoşimovning “Dunyoning işlari” asarlaridan özi uçun olgan ibrat va mehr-muhabbat hissi, Muhammad Yusuf şeʼriyati tufayli qalbida uyğongan vatanparvarlik, xalqparvarlik tuyğulari xususida faxrlanib söz yuritarkan, uning bu fikrlarini quvvatlagan 10-sinf öquvçilari Sevaraxon Yöldoşeva, Madinaxon Sobirova, 5-sinf öquvçisi Oydinoy Raşidova, Ulbösin Matnazarovalar ham özlari öqigan kitoblar haqida söz yuritib, tengdoşlariga uşbu kitoblarni öqişni tavsiya ham qildilar.

Maktabning biri-biridan kitobxon yoşlari bilan samimiy muloqotda bölgan loyiha koordinatori, Özbekiston Yozuvçilar Uyuşmasi aʼzosi, Qoraqalpoğiston Respublikasida xizmat kösratgan jurnalist, şoira Robiya Yöldoşeva kitobxon yoşlarning bilim va salohiyatlarini sinovdan ötkaziş maqsadida hozirgi zamon va mumtoz özbek adabiyoti namoyondalarining asarlari yuzasidan savol-javob tadbirini ham ötkazdi.

Kitobxon yoşlar Özbekiston xalq yozuvçisi Pirimqul Qodirovning “Yulduzli tunlar”, “Humoyun va Akbar” asarlari, A.Oripovning “Hakim va ajal” dostoni, M.Yusuf şeʼriyati xususidagi savollarga mamnuniyat bilan javob berişib, özlarining maʼnan barkamol insonlar sifatida voyaga yetayotganlarini puxta javoblari, teran fikrlari bilan amalda namoyon etdilar.

Maktabning 11-sinf öquvçisi Lobarxon Jumaboyeva özi yozgan şeʼrlaridan, kitobxon yoşlar esa H.Olimjon, M.Yusuf, Ibroyim Yusupov, A.Oripov şeʼrlaridan ifodali öqib berdilar.

Bugungi globallaşuv jarayonida özlarining böş vaqtlarini ijtimoiy tarmoqlarga, internet va uyali telefon vositalariga sarflamay, maktab kutubxonasi mudirasi Zulxumor Yozboyeva rahbarligida maʼnaviy-maʼrifiy suhbatlar, kitob mutolaasi bilan şuğullaniş orqali ötkazayotgan bözyoplik kitobxon yoşlar orasidan kelajakda ona Yurt fidoyilari, haqiqiy vatanparvarlar yetişib çiqişiga işondik. Joriy öquv yilida ilk bitiruvçilari mustaqil hayotga qadam qöyişga hozirlanayotgan 77-sonli maktab obrösini kötarişga qodir ilmga çanqoq yoşlarning orzulari uşalişini tiladik.

Ravşan BAHROMOV, Muyassar XALILLAYeVA.