Tanlov gʻoliblari taqdirlandi
Oramizda Shekspirning "Romeo va Juletta"si taqdiriga kuyingan, Xudoyberdi Toʻxtaboyevning Hoshimjon Roʻziyev atalmish qahramoni bilan uning sarguzashtlarida birga kezib, Daniyel Defoning Robinzon obrazini his etib koʻziga yosh olib taʼsirlangan kitobxonlar bor boʻlsa ajab emas. Ha, kitobxonning hamisha oʻzi yoqtirgan obrazi, qahramoni boʻladi. Oʻquvchi baʼzan oʻsha qahramon qiyofasida xuddi oʻzini koʻrganday boʻladi...
Yaqindagina "Taraqqiyot koʻzgusi" gazetasi tahririyatining "Bilimli va maʼnaviyatli yoshlar bilan – Uchinchi Renessans sari" nomli grant loyihasi doirasida oʻtkazilgan "Men sevgan badiiy qahramon" mavzusidagi insholar tanlovi gʻoliblarini taqdirlash tadbiri boʻlib oʻtdi.
Tanlovda eng yaxshi yozilgan insholar mualliflari taqdirlandi. Unga koʻra, tuman maktabgacha va maktab taʼlimi boʻlimiga qarashli 38-sonli maktab oʻquvchisi Xursandbek Maʼrifatov hamda 40-sonli maktabning 6-sinf oʻquvchisi Umida Ibrohimovalarning yozgan insholari eng yaxshi deya eʼtirof etildi.
Shuningdek, ularga tanlovdagi faol ishtiroki uchun "Taraqqiyot koʻzgusi" gazetasi tahririyatining faxriy yorliqlari, sovgʻa tariqasida taqdim etilgan badiiy kitoblari bilan taqdirlandi.
Tadbirga Respublika maʼnaviyat va maʼrifat markazi Amudaryo tuman boʻlinmasi yetakchi mutaxassisi Zarifa Soatboyeva ham tashrif buyurdi. Oʻquvchilarni yutuqlari bilan tabriklab, u ham badiiy kitoblar guldastasini taqdim etdi.
Aziza Madrahimova
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
