Орзулар ортидан – Жанубий Корея сари

Бугунги ёшларнинг орзулари улкан, мақсадлари аниқ. Улар орзулар сари дадил интилмоқда, дунёни забт этиш йўлида тинимсиз ўқиб изланмоқда. Мавжуда ҳам ана шундай ёшлардан бири саналади. У ҳозирда Жанубий Кореянинг нуфузли Сежонг университетида иқтисодиёт йўналишида таҳсил олмоқда.

Мавжуда ўзининг билимга чанқоқлиги, тиришқоқлиги ва қатъияти билан дўстлари орасида ажралиб туради. Мактабда ўқиб юрган пайтларидаёқ математика ва инглиз тилини ўрганади. IELTS имтиҳонини муваффақиятли топширгани унга хорижда таҳсил олишга имкон берди.

Бугунги кунда у Жанубий Кореядаги талабалар қатори билим олиб, ўз устида янада кўпроқ ишламоқда. Янги муҳит, янги маданият ва тилга тезда мослашган Мавжуда ўз ҳаётини ўзи мустақил бошқаришни ўрганмоқда. Бу эса унга янада куч, ишонч ва тажриба бахш этмоқда.

Албатта, бу ютуқларнинг ортида фақатгина ўз меҳнати эмас, балки меҳрибон оиласининг доимий ёрдами, ишончи ва қўллаб-қувватлаш ҳам муҳим ўрин тутади. У ҳар доим ота-онасининг дуоси ва ёрдами билан орзулари сари дадил интилмоқда.

Мавжуда келажакда Жанубий Кореядаги йирик ва нуфузли корхоналардан бирида фаолият юритишни ният қилган. У халқаро тажриба орттириб, ўз билими билан нафақат Ўзбекистон ёшлари ҳаётига ҳам ижобий ўзгаришлар олиб киришни истайди.

У тенгдошларига шундай маслаҳат беради:

- Ҳеч қачон орзуларингиздан воз кечманг. Олдингизга аниқ мақсад қўйинг. Билимга интилинг, доим ўз устингизда ишланг, тил ўрганинг. Тил – бу имкониятлар калитидир. Меҳнат ҳеч қачон бесамар кетмайди.

Ҳақиқатан ҳам Мавжуданинг ҳаёти – ёшлар учун ибрат, орзулар сари йўл эса фақат ҳаракат билан қисқаради. Мавжуда – бугунги ёшлар учун тиришқоқлик, билимга интилиш ва орзулар сари дадил юришнинг ёрқин тимсолидир. У ўз меҳнати, сабр-тоқати ва қатъияти билан нафақат шахсий ютуқларга эришмоқда, балки ўз тенгдошларига ҳам намуна бўлаётган ёшлардан биридир.

Орзулари йўлида интилган инсон йўл топади, ҳаракат қилган инсон эса мақсадига эришади. Шундай иқтидорли, орзулари улкан ва меҳнаткаш ёшлар бор экан, Ўзбекистон келажаги порлоқ бўлишига шубҳа ёқ.

Шаҳло Янгибоева, Қорақалпоқ давлат университети талабаси.