ХАЛҚАРО СЕРТИФИКАТ – ЯНГИ ИСТИҚБОЛЛАРГА ЙЎЛ ОЧАДИ
"Amudaryotex” хорижий корхонасининг ишга туширилганига жорий йилнинг сентябрида бир йил тўлди. Ўтган давр мобайнида корхонада маҳсулот ишлаб чиқаришни кўпайтириш ва сифатлилигига эришиш борасида жиддий ютуқларга эришилмоқда.
Айни кунда энг замонавий технологиялар асосида фаолият юритаётган корхонада 330 нафардан зиёд ишчилар меҳнат қилишмоқда. Ҳар ойда 300 тонна атрофида ишлаб чиқарилаётган ип-калава сифати халқаро тан олинган меъёрларга мувофиқлиги боис, Молдавия, Беларусь, Россия, Хитой, Польша каби давлатларга экспорт қилинмоқда.
Жаҳон бозорида сифати, рақобатбардошлиги билан ўз ўрни, нуфузига эга бўлаётган корхона маҳсулотлари туманимиз экспорт салоҳиятини юксалтиришда муҳим аҳамиятга эга. Шу боисдан бу борадаги изланишлар ва интилишлар "Ўзстандарт” агентлигининг ҳудудий бўлинмаси – Қорақалпоғистон синов ва сертификатлаштириш маркази давлат корхонаси томонидан чуқур ўрганилиб ва таҳлил қилиниб, корхона O’zDST ISO 9001:2009 стандарти талабларига жавоб берувчи сифат менежмент тизимига эга корхона сертификатини қўлга киритди.
Шу йилнинг 28 октябрида корхонада мазкур сертификатни топшириш маросими бўлиб ўтди. Сертификатни "Ўзстандарт” агентлиги Қорақалпоғистон синов ва сертификатлаштириш маркази давлат корхонасининг сифат тизимларини жорий этиш бўлими бошлиғи Баҳодир Сапаров корхона бош директори Санжар Вафоевга тантанали равишда топширди.
Хорижий корхона фаолияти йўлга қўйилганидан бери ўтган бир йил давомида маҳсулот сифатини оширишнинг барча чоралари амалга татбиқ этилди. Маҳсулот синовларини ўтказиш бўйича меъёрий ҳужжатлар билан таъминланди, замонавий ускуналар билан жиҳозланган синов лабораторияси давлат аттестация кўригидан ўтказилиб, маҳсус гувоҳнома олинди, сифат менежменти тизими ишлаб чиқилди ва жорий этилди. Натижада корхонада сифат менежменти тизими сертификатлаштирилди.
- Албатта, бу улкан ютуқ, - деди махсус сертификатни қабул қилиб олар экан корхона бош директори Санжар Вафоев. – Сабаби, сифат менежменти тизими сертификатига эга бўлиш корхонамизнинг халқаро майдондаги нуфузини оширади, ишлаб чиқарилаётган маҳсулотимизга ишонч ортади.
Ойгул РАЖАБОВА, Маҳмуджон ШОМУРОДОВ,
"Тараққиёт кўзгуси” газетаси махсус мухбирлари.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
