XALQARO SERTIFIKAT – YaNGI ISTIQBOLLARGA YOʻL OChADI
"Amudaryotex” xorijiy korxonasining ishga tushirilganiga joriy yilning sentyabrida bir yil toʻldi. Oʻtgan davr mobaynida korxonada mahsulot ishlab chiqarishni koʻpaytirish va sifatliligiga erishish borasida jiddiy yutuqlarga erishilmoqda.
Ayni kunda eng zamonaviy texnologiyalar asosida faoliyat yuritayotgan korxonada 330 nafardan ziyod ishchilar mehnat qilishmoqda. Har oyda 300 tonna atrofida ishlab chiqarilayotgan ip-kalava sifati xalqaro tan olingan meʼyorlarga muvofiqligi bois, Moldaviya, Belarus, Rossiya, Xitoy, Polsha kabi davlatlarga eksport qilinmoqda.
Jahon bozorida sifati, raqobatbardoshligi bilan oʻz oʻrni, nufuziga ega boʻlayotgan korxona mahsulotlari tumanimiz eksport salohiyatini yuksaltirishda muhim ahamiyatga ega. Shu boisdan bu boradagi izlanishlar va intilishlar "Oʻzstandart” agentligining hududiy boʻlinmasi – Qoraqalpogʻiston sinov va sertifikatlashtirish markazi davlat korxonasi tomonidan chuqur oʻrganilib va tahlil qilinib, korxona O’zDST ISO 9001:2009 standarti talablariga javob beruvchi sifat menejment tizimiga ega korxona sertifikatini qoʻlga kiritdi.
Shu yilning 28-oktyabrida korxonada mazkur sertifikatni topshirish marosimi boʻlib oʻtdi. Sertifikatni "Oʻzstandart” agentligi Qoraqalpogʻiston sinov va sertifikatlashtirish markazi davlat korxonasining sifat tizimlarini joriy etish boʻlimi boshligʻi Bahodir Saparov korxona bosh direktori Sanjar Vafoyevga tantanali ravishda topshirdi.
Xorijiy korxona faoliyati yoʻlga qoʻyilganidan beri oʻtgan bir yil davomida mahsulot sifatini oshirishning barcha choralari amalga tatbiq etildi. Mahsulot sinovlarini oʻtkazish boʻyicha meʼyoriy hujjatlar bilan taʼminlandi, zamonaviy uskunalar bilan jihozlangan sinov laboratoriyasi davlat attestatsiya koʻrigidan oʻtkazilib, mahsus guvohnoma olindi, sifat menejmenti tizimi ishlab chiqildi va joriy etildi. Natijada korxonada sifat menejmenti tizimi sertifikatlashtirildi.
- Albatta, bu ulkan yutuq, - dedi maxsus sertifikatni qabul qilib olar ekan korxona bosh direktori Sanjar Vafoyev. – Sababi, sifat menejmenti tizimi sertifikatiga ega boʻlish korxonamizning xalqaro maydondagi nufuzini oshiradi, ishlab chiqarilayotgan mahsulotimizga ishonch ortadi.
Oygul RAJABOVA, Mahmudjon ShOMURODOV,
"Taraqqiyot koʻzgusi” gazetasi maxsus muxbirlari.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
