Тадбиркор – элга мададкор дегани

Ишнинг кўзини билган, тадбирли кишини Амир Темур бобомиз ҳам қадрлаган, улуғлаган.

Ҳа, ишнинг кўзини билиб, шунга интилган, ҳалол меҳнат қилган одам минг-минглаб юртдошларига хизмат қила олиши мумкинлигини ҳаётимизнинг ўзи кўрсатиб турибди.

Яхши ишлар ҳақида орзу қилишнинг ўзи етарли эмас, балки интилиш қийинчиликлардан чўчимай, олға интилиш керак.

Шуниси қувонарлики, интилган, меҳнат қилган одам мамлакатимизда ўз меҳнати  самарасини ҳам кўради, бадавлат умр кечиради.

Мен туман ҳокимлигининг қўллаб-қувватлаши билан кредит ҳисобига автомашиналарга ёқилғи қуйиш шохобчасини қуриб бошлаган вақтларимда ишим ўзини оқлаб кетармикан? – деган ўйлар неча бор кўнглимдан ўтган. Худога шукурки, ота-онам, ака-укаларимнинг далдаси билан ишни йўлга қўйиб олдим. 73-сонли автомашиналарга ёнилғи қуйиш шохобчаси ишларидан кўнглим тўлиб, хизмат турларини кўпайтириш ҳақида ўйладим ва шохобча ёнида автомашиналарга техник хизмат кўрсатиш шохобчасини ҳам ишга туширдим. Бу ерда турли русумдаги автомашиналарнинг мотори, кузовидан тортиб барча қисмлари таъмирланаяпти ва жалб қилган малакали усталаримиз хизматидан барча ташриф буюрувчилар мамнун бўлишаяпти. Топган даромадларим ҳисобига оилам ҳеч нарсага  зориқмайди. Фарзандларимнинг  ўқиб илм олишларига етарлича ғамхўрлик қиламан.

Ўз қобилиятларига яраша тадбиркорлик фаолияти билан шуғулланувчилар учун мамлакатимизда қонуний асослар мавжуд. Айниқса, Асосий Қонунимизда: "Ҳар бир шахс мулкдор бўлишга ҳақли”, дея кўрсатилгани тадбиркорлар, мулкдорлар сафининг тобора кенгайишига, хизмат кўрсатиш

турлари кўпайиб, сифати яхшиланишига замин бўлаётир.

Ҳозир туманимизнинг қайси ҳудудида бўлманг, йўлларда автомашиналарнинг серқатновлигини кўрасиз. Ҳар икки оиладан бири ўз автомашинасига эга. Шуларни ино-батга олсак, ёнилғи қуйиш, техник хизмат кўрсатиш шохобчаларига эҳтиёж қанчалик кучли эканлиги ўз-ўзидан аён бўлади. Фаолиятимни янада кенгайтириш режаларим ҳам бор.

Анвар ОЛЛОҚУЛОВ,

"Анвар Калта” масъулияти чекланган жамияти раиси.