Tadbirkor – elga madadkor degani

Ishning koʻzini bilgan, tadbirli kishini Amir Temur bobomiz ham qadrlagan, ulugʻlagan.

Ha, ishning koʻzini bilib, shunga intilgan, halol mehnat qilgan odam ming-minglab yurtdoshlariga xizmat qila olishi mumkinligini hayotimizning oʻzi koʻrsatib turibdi.

Yaxshi ishlar haqida orzu qilishning oʻzi yetarli emas, balki intilish qiyinchiliklardan choʻchimay, olgʻa intilish kerak.

Shunisi quvonarliki, intilgan, mehnat qilgan odam mamlakatimizda oʻz mehnati  samarasini ham koʻradi, badavlat umr kechiradi.

Men tuman hokimligining qoʻllab-quvvatlashi bilan kredit hisobiga avtomashinalarga yoqilgʻi quyish shoxobchasini qurib boshlagan vaqtlarimda ishim oʻzini oqlab ketarmikan? – degan oʻylar necha bor koʻnglimdan oʻtgan. Xudoga shukurki, ota-onam, aka-ukalarimning daldasi bilan ishni yoʻlga qoʻyib oldim. 73-sonli avtomashinalarga yonilgʻi quyish shoxobchasi ishlaridan koʻnglim toʻlib, xizmat turlarini koʻpaytirish haqida oʻyladim va shoxobcha yonida avtomashinalarga texnik xizmat koʻrsatish shoxobchasini ham ishga tushirdim. Bu yerda turli rusumdagi avtomashinalarning motori, kuzovidan tortib barcha qismlari taʼmirlanayapti va jalb qilgan malakali ustalarimiz xizmatidan barcha tashrif buyuruvchilar mamnun boʻlishayapti. Topgan daromadlarim hisobiga oilam hech narsaga  zoriqmaydi. Farzandlarimning  oʻqib ilm olishlariga yetarlicha gʻamxoʻrlik qilaman.

Oʻz qobiliyatlariga yarasha tadbirkorlik faoliyati bilan shugʻullanuvchilar uchun mamlakatimizda qonuniy asoslar mavjud. Ayniqsa, Asosiy Qonunimizda: "Har bir shaxs mulkdor boʻlishga haqli”, deya koʻrsatilgani tadbirkorlar, mulkdorlar safining tobora kengayishiga, xizmat koʻrsatish

turlari koʻpayib, sifati yaxshilanishiga zamin boʻlayotir.

Hozir tumanimizning qaysi hududida boʻlmang, yoʻllarda avtomashinalarning serqatnovligini koʻrasiz. Har ikki oiladan biri oʻz avtomashinasiga ega. Shularni ino-batga olsak, yonilgʻi quyish, texnik xizmat koʻrsatish shoxobchalariga ehtiyoj qanchalik kuchli ekanligi oʻz-oʻzidan ayon boʻladi. Faoliyatimni yanada kengaytirish rejalarim ham bor.

Anvar OLLOQULOV,

"Anvar Kalta” masʼuliyati cheklangan jamiyati raisi.