Карантиндан унумли фойдаланяпмиз
Пандемия доимий ҳаётимизни ўзгартириб юборганлиги бор гап. Тўғри, ҳаётимизда кўп синовлар, қийинчиликларга дуч келаяпмиз. Лекин ҳар ёмоннинг бир ҳикмати йўқ эмас. Осмонимизнинг мусаффолигини кўринг. Учоқларни кўрмаганимизга ҳам кўп бўлди. Aвтоуловларнинг ҳаракати қатъий назорат қилинган. Интернетдан кўргандим, қайсидир шаҳар денгизга яқин экан. Кемаларнинг ҳаракати сабаб сув ифлослангани учун узоқларга кетиб қолган балиқлари қайтаётган экан. Табиат, биологик олам анча яхшиланяпти...
Мен кўп йиллардан буён 36-сонли мактабда ўқувчиларга жисмоний тарбия фанидан дарс бериб келмоқдаман. Пандемия сабаб дарсларимиз онлайн тарзда ўтилиб, якунланди. Ҳозир набираларим билан кўпроқ вақт ўтказаяпман. Эрталаб биргаликда жисмоний машғулотлар билан кунимизни бошлаймиз. Рости, анча ёшаргандек бўлдим. Ёши ўтган одам набиралари даврасида болалигига қайтаркан...
Томорқамиздаги ишларимиз ҳам анча яхши. Мевали дарахтлар парвариши кишига ўзгача завқ бағишлайди. Оғилхона ишларини ҳам набирам Шаҳзоджон билан ўз ўрнига қўямиз.
Кечаси чироқ ёруғида китоб ўқишга нима етсин. Набираларим ҳикояларнинг, эртакларнинг маъно-мазмунига жуда қизиқади. Барчасини уларнинг тилида гапириб бераман...
Мен карантинни ҳам мазмунли ўтказиш мумкинлиги ўз ҳаётимда кўраяпман. Лекин ёз фасли бошланганигами, юртимизнинг сўлим гўшалари бўйлаб саёҳат қилишни, тарихий жойларни зиёрат қилишни қўмсай бошлар экан кўнгил. Умид қиламизки, бу инфекция балосидан тезда халос бўламиз ва яна одатий ҳаётимизга қайтамиз.
Солий Йўлдошев, 36-сонли мактабнинг жисмоний тарбия фани ўқитувчиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
