Karantindan unumli foydalanyapmiz
Pandemiya doimiy hayotimizni oʻzgartirib yuborganligi bor gap. Toʻgʻri, hayotimizda koʻp sinovlar, qiyinchiliklarga duch kelayapmiz. Lekin har yomonning bir hikmati yoʻq emas. Osmonimizning musaffoligini koʻring. Uchoqlarni koʻrmaganimizga ham koʻp boʻldi. Avtoulovlarning harakati qatʼiy nazorat qilingan. Internetdan koʻrgandim, qaysidir shahar dengizga yaqin ekan. Kemalarning harakati sabab suv ifloslangani uchun uzoqlarga ketib qolgan baliqlari qaytayotgan ekan. Tabiat, biologik olam ancha yaxshilanyapti...
Men koʻp yillardan buyon 36-sonli maktabda oʻquvchilarga jismoniy tarbiya fanidan dars berib kelmoqdaman. Pandemiya sabab darslarimiz onlayn tarzda oʻtilib, yakunlandi. Hozir nabiralarim bilan koʻproq vaqt oʻtkazayapman. Ertalab birgalikda jismoniy mashgʻulotlar bilan kunimizni boshlaymiz. Rosti, ancha yoshargandek boʻldim. Yoshi oʻtgan odam nabiralari davrasida bolaligiga qaytarkan...
Tomorqamizdagi ishlarimiz ham ancha yaxshi. Mevali daraxtlar parvarishi kishiga oʻzgacha zavq bagʻishlaydi. Ogʻilxona ishlarini ham nabiram Shahzodjon bilan oʻz oʻrniga qoʻyamiz.
Kechasi chiroq yorugʻida kitob oʻqishga nima yetsin. Nabiralarim hikoyalarning, ertaklarning maʼno-mazmuniga juda qiziqadi. Barchasini ularning tilida gapirib beraman...
Men karantinni ham mazmunli oʻtkazish mumkinligi oʻz hayotimda koʻrayapman. Lekin yoz fasli boshlanganigami, yurtimizning soʻlim goʻshalari boʻylab sayohat qilishni, tarixiy joylarni ziyorat qilishni qoʻmsay boshlar ekan koʻngil. Umid qilamizki, bu infektsiya balosidan tezda xalos boʻlamiz va yana odatiy hayotimizga qaytamiz.
Soliy Yoʻldoshev, 36-sonli maktabning jismoniy tarbiya fani oʻqituvchisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
