ТУМАНДА СУВ PЕСУPСЛАPИДАН ТЕЖАМЛИ ВА САМАPАЛИ ФОЙДАЛАНИЛМОҚДА

Мамлакатимизда сув ресурсларидан тежамли ва самарали фойдаланиш асосида суғориладиган майдонлардан олинадиган ҳосил миқдорини ошириш, озиқ-овқат маҳсулотларини ишлаб чиқаришни кенгайтириш орқали мамлакат аҳолисининг турмуш даражасини янада яхшилаш борасида самарали ишлар амалга оширилмоқда.

Тумандаги сув истеъмолчилари Упрадик системасининг Гурлан, Қиличбой, Қипчоқ-Басу веткалари ва дарёда жойлашган насос станциялари орқали сув билан таъминланади. Сув билан таъминлаш, сувдан фойдаланишни назорат қилиш Амударёнинг чап қирғоғида Шихжамол, Қиличбой, Тошёп, Манғит, Қипчоқ бўлимлари, Амударёнинг ўнг қирғоғида Назархон бўлимлари томонидан амалга оширилади.

Туман Ирригация бўлими ҳисобида 296,65 км. узунликдаги хўжаликлараро каналлар, 122 та гидротехник иншоот, 134 та гидропост, 153 та сув чиқариш нуқталари, 6 та экскаватор 3 та бульдозер, 6 та ер қазиш кемаси бор. Бўлим тумандаги 39463 гектар суғориладиган ер майдонларини сув билан таъминлашга хизмат кўрсатади. Туман ҳудудидаги ички хўжалик каналлари узунлиги 1342 км. бўлиб, уларда 681 дона гидротехник иншоот, 510 дона гидропост, 1095 дона фермерларнинг бош сув олиш қулоқлари мавжуд.

Бу йил вегетация даври учун туман чегарасида 480,8 млн. м3 сув ажратилиб, шу кунгача 79,3 млн. М3 сув етказиб берилди. Ушбу сув билан туман бўйича 29798 гектар суғориш, шундан 19898 гектар суғориш кузги буғдой, 9988 гектар суғориш томорқа, 8058 гектар суғориш бошқа экинларни суғориш ишлари амалга оширилди.

Ундан ташқари, бу йил 45,4 км. узунликда хўжаликлараро каналларда тозалаш ишлари режалаштирилиб, амалда шу кунгача 24,9 км. узунликда тозалаш ишлари олиб борилди. Тозалаш ишларига хўжаликларо каналларда 3 та экскаватор, 2 та земснаряд, 2 та бульдозер ички экскаватор, 91 нафар ишчи жалб қилинди.

Хосият Айтбоева.