Тадбиркорлик соҳасидаги янги қонун ҳужжатлари мазмун-моҳияти тушунтирилмоқда
Мамлакатимизда иқтисодиётни узоқ муддатли ривожлантириш борасида кенг кўламли ислоҳотлар амалга оширилаётган бўлиб, бунда самарали солиққа тортиш тизими ва давлат солиқ хизмати органларининг уйғунлашган фаолияти муҳим аҳамият касб этади. Сўнгги йилларда Президент ташаббуси билан соҳада янги ислоҳотлар амалга оширилиб, солиқ тизимида тадбиркорлик фаолиятини ривожлантиришга тўсиқ бўлаётган барча омиллар бартараф қилинмоқда.
Коронавирус пандемияси даврида умумий овқатланиш ва туризм соҳаларида фаолият юритаётган тадбиркорлик субьектларини қўшимча равишда қўллаб-қувватлаш, шунингдек, тадбиркорларнинг муаммо ва таклифларини бевосита ўрганиш ҳамда тадбиркорликни келгусида ривожлантиришнинг асосий йўналишларини белгилаб олиш бўйича ўтказилган Ўзбекистон Республикаси Президентининг тадбиркорлар билан очиқ мулоқотида бу борада қатор янги вазифалар белгилаб берилди. Шу мақсадда имзоланган Ўзбекистон Республикаси Президентининг “Умумий овқатланиш ва туризм соҳаларини қўллаб-қувватлашнинг қўшимча чора-тадбирлари тўғрисида”ги қарори бу борадаги ишларни янги босқичга кўтармоқда.
Амударё тумани Давлат солиқ инспекцияси ходимлари мазкур ҳужжат мазмун-моҳиятини тумандаги тадбиркорларга кенг турда тушунтириш мақсадида тарғибот-ташвиқот ишларини олиб бормоқдалар. Масъуллар тумандаги қатор умумий овқатланиш шохобчаларига бориб, тадбиркорларга қарорда белгиланган қатор имтиёзлар хусусида кенг кўламли маълумотлар бердилар.
Айтиш керакки, мазкур қарор билан 2021 йилнинг 1сентябрьидан бошлаб, 21 декабрга қадар умумий овқатланиш корхоналари юридик шахслардан олинадиган ер солиғи ва юридик шахсларнинг мол-мулкига солинадиган солиқни тўлашдан озод қилиниши, умумий овқатланиш корхоналарига маҳаллий давлат ҳокимияти органларига ариза юбормасдан туриб, солиқ органларини хабардор қилган ҳолда айланмадан олинадиган солиқ, фойда солиғи, сув ресурсларидан фойдаланганлик учун солиқ, юридик шахслардан олинадиган ер солиғи, юридик шахсларнинг мол-мулкига солинадиган солиқ ва йиғимлар бўйича 2021 йил 15 август ҳолатига кўра мавжуд қарздорликни, шунингдек, барча солиқлар бўйича жарима ва пеняларни 2022 йил 1 январдан 1-июлга қадар фоизларни ундирмасдан тенг миқдорларда кечиктириб, яъни бўлиб-бўлиб тўлаш ҳуқуқи берилилиши 2023 йил 1 сентябрга қадар туристик йиғимни ҳисоблаш ва тўлаш тўхтатилилиши белгилаб қўйилган.
Маълумки, юртимизда коронавирус пандемияси шароитида тадбиркорларга кенг имтиёз ва имкониятлар берилиб, уларнинг самарали фаолият олиб боришларига шароитлар яратиб келинмоқда. Тадбиркорларимиз ушбу имтиёзлардан самарали фойдаланган ҳолда фаолиятларини янада кенгайтирмоқдалар. Бу эса ўз навбатида мамлакатда камбағалликни қисқартириш, банд бўлмаган аҳоли қатламини иш билан таъминлашга хизмат қилмоқда. Тадбиркорларни қўллаб-қувватлаш орқали оғир синовли кунларда мамлакат иқтисодий ҳаётида юзага келиши мумкин бўлган салбий ҳолатларнинг олди олинмоқда.
Туманимизда ҳам самарали фаолият юритиб келаётган, аҳоли бандлигини таъминлашда ўзининг муносиб ҳиссасини қўшиб келаётган тадбиркорлар сони тобора ортиб бормоқда. Туман давлат солиқ инспекцияси масъуллари тадбиркорларга янги имтиёз ва имкониятлар ҳақида тушунчалар бериш баробарида уларнинг бу борадаги саволларга аниқ жавоблар келтирдилар.
Таъкидлаш керакки, масъулларнинг қабул қилинаётган қонун ҳужжатлари мазмун-моҳиятини тадбиркорларга ўз вақтида тушунтириши, улар юзасидан тарғибот-ташвиқот ишларини ташкил этишлари туманимизда тадбиркорликни янада ривожлантиришга ҳисса қўшади.
Чарос Арслонова.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
