Пахта етиштириш режасини ортиғи билан бажарган илғор фермерлар рағбатлантирилди
Амударё туманидаги ғалла ва пахта етиштирувчи фермерлар соҳадаги янги имкониятлардан фойдаланиб, қишлоқ хўжалигини янада ривожлантиришга ўзларининг муносиб ҳиссаларини қўшиб келмоқдалар. Жорий йилги пахта хирмонини барпо этишда туманимиздаги барча фермерлар энг илғорлар сафидан жой олишга астойдил ҳаракат қилмоқдалар ҳамда уларнинг машаққатли меҳнатлари эвазига туманимизда юксак пахта хирмони барпо этилмоқда.
3 ноябрь куни туман ҳокимлигида қишлоқ хўжалиги соҳасида самарали меҳнат қилаётган, жорий йилги пахта режасини ортиғи билан бажарган илғор фермерларни рағбатлантириш, уларни янада қўллаб-қувватлаш мақсадида йиғилиш ўтказилди. Йиғилишда туман ҳокими Султонбой Йўлдашев, туман ҳокимининг Қишлоқ ва сув хўжалиги масалалари бўйича ўринбосари Файзулла Саъдуллаев, қишлоқ хўжалиги соҳа масъуллари, фермерлар ҳамда ҳокимлик масъул ходимлари иштирок этдилар.
Тадбирда туман ҳокими Султонбой Йўлдашев сўзга чиқиб, мамлакатимизда давлатимиз раҳбари ташаббуси билан аграр соҳани янада тарқаққий топтиришга аъоҳида эътибор қаратилаётгани, шу мақсадда имзоланган “Пахтачилик соҳасида бозор тамойилларини кенг жорий этиш чора-тадбирлари тўғрисида”ги қарор билан соҳа ривожига тўсиқ бўлаётган омиллар тубдан ўзгартирилгани, мазкур қарор бободеҳқонларимизнинг ўғирини енгил, бирини икки қиладиган тарихий ҳужжат бўлганлиги хусусида тўхталди.
Шунингдек, туман ҳокими туманимизнинг аграр соҳада республикада энг илғорлар сафидан жой олишида фермерларимизнинг ҳиссаси беқиёслигини таъкидлаб, жорий йилги пахта режасини ортиғи билан бажарган фермерларни табриклади ҳамда уларга қишлоқ хўжалигини ривожлантиришдаги мислсиз меҳнатлари учун миннатдорчилик изҳор этди.
Тадбирда туман ҳокимининг Қишлоқ ва сув хўжалиги масалалари бўйича ўринбосари Файзулла Саъдуллаев ҳамда фермер, деҳқон хўжаликлари ва томорқа ер эгалари кенгаши раиси Илҳом Полвоновлар сўзга чиқиб, туманнинг қишлоқ хўжалиги соҳасида эришаётган ютуқлари, соҳага киритилаётган янги замонавий технологияларнинг амалиётга татбиқ этилаётгани, соҳадаги ишлар салмоғи тобора ортиб бораётгани хусусида сўз юритдилар ҳамда илғор фермерларни эришган юқори натижалари билан табрикладилар.
Тадбир мобайнида туман ҳокими Султонбой Йўлдашев аграр соҳада фаолият юритаётган бир гуруҳ фаол фермерларга соҳадаги кўп йиллик фидокорона меҳнати, барча экинлардан мўл ҳосил етиштириб, халқимизнинг ризқ-рўзи ва турмуш фаровонлиги, мамлакатимизнинг иқтисодий қудрати ва озиқ-овқат хавфсизлигини таъминлаш ишларига қўшган салмоқли ҳиссаси ҳамда жорий йилги пахта режасини ортиғи билан бажарганликлари муносабати билан туман ҳокимлигининг ташаккурномаси ҳамда эсдалик совғаларини топширди. Тадбирда фермерлар бу каби эътибор ҳамда рағбатдан ғоят хурсанд эканликларини изҳор этиб, бунинг учун масъулларга миннатдорчилик билдирдилар.
Туман ҳокимлигининг Ахборот хизмати.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
