МИТТИ ҚИЗАЛОҚНИНГ УЛКАН ЮТУҚЛАРИ

Президентимиз раҳнамолигида спортни, айниқса, болалар спортини ривожлантириш, ўсиб келаётган ёш авлодни ҳар томонлама соғлом ва баркамол инсонлар қилиб вояга етказишга доимий эътибор қаратилмоқда.
Бу жараёнда қизларни жисмоний тарбия ва спортга кенг жалб этиш, истеъдод ва салоҳиятини юзага чиқариш борасида амалга оширилаётган ишлар ўзининг юксак самараларини бераётир. Давлатимиз томонидан яратилган имкониятлардан самарали фойдаланиб келаётган ёшлар талайгина. Зилола Салаева ҳам мана шундай ёшларлардан бири. Зилола ёш бўлишига қарамай, спортнинг бадиий гимнастика тури билан шуғулланиб келаяпти. Илк гимнастика сабоқларини устози Моҳира Бердибоевадан олди.
Зилола Манғит шаҳридаги 7-сонли мактабгача таълим ташкилоти тарбияланувчиси, бадиий гимнастика билан шуғулланади. У жорий йилда Нукус шаҳар 1-сонли Болалар –ўсмирлар спорт мактаби  очиқ биринчилигида фахрли 3-ўринни эгаллади. Бу жажжи қизалоқнинг илк ютуғи эди.
 Республикамизда хотин-қизларнинг соғлиғи ҳақида қайғуриш, жисмоний тарбия ва спортга кенг жалб қилиш, иқтидори ва лаёқатини юзага чиқаришга оид эзгу чора-тадбирлар йил сайин кенг қамров касб этмоқда.Бу ёш спортчи қизлар эришаётган муваффақиятларда ҳам яққол намоён бўлаётир. Хусусан, Зилола Самарқанд шаҳрида 1-июн Халқаро болаларни ҳимоя қилиш куни муносабати билан “Спортни сев, спорт билан яша” шиори остида ўтказилган мусобақада фахрли 2-ўринни эгаллади ва диплом ,  совғалар билан тақдирланди.

     -Гимнастика билан шуғулланаётганимга кўп бўлмади, лекин ғалабага бўлган ишончим, мусобақа шоҳсупасига етаклади, – дейди Зилола Салаева – Бунинг учун мураббийларимга ташаккуримни изҳор этаман.
У ёш тоифасида бир қанча ютуқларга эришди. Беруний туманида “Гимнастика маликалари” деб номланган мусобақада 1-ўринни қўлга киритди ва “Гимнастика маликаси” эътирофига сазовор бўлди.
Митти қизалоқнинг орзулари эса янада юксак.

Сурайё Худойберганова.