ҲАЁТНИНГ ЧИНАКАМ АКСИ
Ойгул Ражабова истеъдодли журналист, шу билан бирга истеъдодли ёзувчиларимиздан бўлмоқда, десак ҳам янглишмаймиз.
Туманимизнинг таниқли ва тажрибали журналистларидан бири бўлмиш Ойгул Ражабова ёшлигидан адабиётга қизиқар, ҳикояларини газетамизга юбориб турарди. Ҳали у таҳририятимизга ишга келишидан олдин ҳикояларини газетада ёритганмиз. Мақола, хабарлари ҳам чиқиб турарди.
Журналистикага, ижодга, тўғри-роғи ёзувчиликка қобилияти борлиги сабаб, у 1985 йилда таҳририятга ишга олинган. Ойгул ишончимизни оқлади.
Ушбу мақолада Ойгул Ражабованинг “Машаққатларда тобланган умр” ва “Тушларимга кириб туринг...” китоблари ҳақида фикр юритмоқчиман.
“Машаққатларда тобланган умр” китобидаги қаҳрамон Турсунбой Аҳмедов реал ҳаётда ҳам тажрибали ва ишчан тадбиркор. Ҳотамтойлиги ҳам бор. Ойгул мазкур китобида 80 яшар Турсунбойнинг болалигидан айни кунгача босиб ўтган йўли ҳақида ҳужжатли қисса битибди. Китоб қаҳрамонининг бошидан ўтган қийинчиликлари ва эришган ютуқларини ишонарли тарзда ёритиб берган.
Шогирдимиз Ойгулнинг “Тушларимга кириб туринг...” китобида эса “Сўнгги пушаймон” ва бошқа ҳикоялари, матбуотда ёритилган мақолалари жамланган. Шунингдек, “Тушларимга кириб туринг...” бадиаси ҳам бор. Ҳар иккала китобни бир ўтиришда ўқиб тугатганман ва Ойгул Ражабовани табриклаганман.
Кези келганидан фойдаланиб, газетхонларимизга шуни айтмоқчиманки, сиз ҳам бу китобларни ўқинг. Ҳаётнинг чинакам акси тасвирланган қисса ва ҳикояларни ўқиб, албатта, муаллиф маҳоратига, истеъдодига қойил қолишингиз турган гап!
Энди сиздан янги-янги қисса ва ҳикоялар кутиб қоламиз, Ойгул Ражабова!
Саъдулла Хўжаниёзов, Қорақалпоғистонда хизмат
кўрсатган журналист, шоир ва ёзувчи.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
