Эл азиз, инсон азиз – Янги Ўзбекистонда!

Ўрин топиб шиддаткор, бу долғали замонда,

Мағриб-у машриқ тараф, оламда – тўрт томонда,

Кураш, бокс, шахматда – спорт, илм-у ирфонда,

Санъат-у маданият ҳам эътиқод, имонда,

Яшайлик шоду-хуррам, саломат, тинч-омонда,

Эл азиз, инсон азиз – Янги Ўзбекистонда!

Эътиборда Устюрт-у саҳролар, Орол, Мўйноқ,

Обод водий, серҳосил воҳалар, дарё, кўл, тоғ,

Қайга борса, ўрни тўр, меҳмонга очиқ қучоқ,

Қорақалпоқ, ўзбег-у туркман – бари иттифоқ,

Эҳтиром, меҳр этиб ошкор дилда, забонда,

Эл азиз, инсон азиз – Янги Ўзбекистонда!

Истиқлол – шонли байрам, куйлансин наволарда,

Тўлдириб кўксимизни мусаффо ҳаволарда,

Душманлар куйсин кўзи, биз ғолиб соҳаларда,

Кексаларга ҳурмат-у, ёшларга баҳоларда,

Ҳақлимиз яшамоқда шод-хуррам, тинч-омонда,

Эл азиз, инсон азиз – Янги Ўзбекистонда!

Эътиборда, қадрда ҳар иш-у сўзимиз ҳам,

Қилинмоқда янгича таҳрир Қомусимиз ҳам,

Ҳифзу-ҳимоядадир ор-у номусимиз ҳам,

Ўссин Ватанга лойиқ ҳар ўғил, қизимиз ҳам,

Учинчи ренессанс тан олингай жаҳонда,

Эл азиз, инсон азиз – Янги Ўзбекистонда!

Турсунбой Абдуллаев.