El aziz, inson aziz – Yangi Oʻzbekistonda!
Oʻrin topib shiddatkor, bu dolgʻali zamonda,
Magʻrib-u mashriq taraf, olamda – toʻrt tomonda,
Kurash, boks, shaxmatda – sport, ilm-u irfonda,
Sanʼat-u madaniyat ham eʼtiqod, imonda,
Yashaylik shodu-xurram, salomat, tinch-omonda,
El aziz, inson aziz – Yangi Oʻzbekistonda!
Eʼtiborda Ustyurt-u sahrolar, Orol, Moʻynoq,
Obod vodiy, serhosil vohalar, daryo, koʻl, togʻ,
Qayga borsa, oʻrni toʻr, mehmonga ochiq quchoq,
Qoraqalpoq, oʻzbeg-u turkman – bari ittifoq,
Ehtirom, mehr etib oshkor dilda, zabonda,
El aziz, inson aziz – Yangi Oʻzbekistonda!
Istiqlol – shonli bayram, kuylansin navolarda,
Toʻldirib koʻksimizni musaffo havolarda,
Dushmanlar kuysin koʻzi, biz gʻolib sohalarda,
Keksalarga hurmat-u, yoshlarga baholarda,
Haqlimiz yashamoqda shod-xurram, tinch-omonda,
El aziz, inson aziz – Yangi Oʻzbekistonda!
Eʼtiborda, qadrda har ish-u soʻzimiz ham,
Qilinmoqda yangicha tahrir Qomusimiz ham,
Hifzu-himoyadadir or-u nomusimiz ham,
Oʻssin Vatanga loyiq har oʻgʻil, qizimiz ham,
Uchinchi renessans tan olingay jahonda,
El aziz, inson aziz – Yangi Oʻzbekistonda!
Tursunboy Abdullayev.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
