ШАРАФЛИ КАСБДАН КАМОЛ ТОПАЁТГАН ЁШ ЎКИТУВЧИ
Инсон ўсиб-улғайиш давоми-да илм, турли ҳунар, касб-кор ўрганиб, ўзлигини танийди. Ҳар бири-мизга ўзлигимизни танитадиган, ҳарф ўргатиб, саводимизни чиқарадиган, илм, касб-кор, ҳунар ўргатадиган азиз ва мукаррам зот эса бу – устоздир.
Устозлардан пухта сабоқ олган, уларга ҳавас қилиб, шу шарафли касбни танлаган тумандаги 40-сонли мактабнинг физика фани ўқитувчиси Сарварбек Яхшимов ҳам ёш бўлишига қарамасдан, бугун ўзи севимли муаллим, касбининг фидо-йиси сифатида элга танилмоқда. Ундан таълим олиб, фанни мукаммал ўзлаштирган талай ёшлар ҳозир нуфузли олийгоҳларда таълимни давом эттириб, ўзлари танлаган касбларни пухта ўрганишмоқда.
Сарварбек 1993 йилда Амударё туманида туғилган. Ўрта мактабда ўқиб юрган чоғлариданоқ аниқ фанларга қизиқа бошлади. Айниқса, физика, астрономия, математика ва геометрия дарслари қандай ўтиб кетганини сезмас, мавзуларни ол-диндан ўзлаштириб, устозларидан доим олқиш эшитар эди. Мактабни тугатганидан сўнг, у 2013 йилда Қо-рақалпоқ Давлат Университетининг физика-математика факультетига ўқишга кирди ва 2017 йилда муваф-фақиятли тугатиб, олийгоҳнинг ма-гистратура босқичида ҳам таълим олди. Иқтидорли мутахассис 2017 йилдан 40-сонли мактабда физика фани ўқитувчиси бўлиб ишлай бошлади.
Мактабдаги илк иш фаолиятида-ноқ Сарварбек ўз соҳасига янгилик-ларни татбиқ этишга интиладиган, фанига ижодий ёндашадиган, ўқув-чиларга таълим-тарбия беришнинг янги йўлларини излаб топиш борасида тинмай ишлайдиган касб эгаси сифатида кўзга кўрина бошлади.
У илк педагоглик фаолиятини бошлаган 2017-2018 ўқув йилидан ўқувчиларни фанга қизиқтиришнинг уддасидан чиқди. Шу йилги фанлар олимпиадасида физика фанидан ўқувчиси М.Шукуруллаева 9-синф-лар ўртасида қатнашди ва туманда 1-ўрин ғолиблигини қўлга киритди.
Сарварбекдан таълим олган юқори синф ўқувчилари З.Абдуллаева, Ф.Аширбоева, С.Жабборберганова-лар ҳам физика фанидан фанлар олимпиадасида фахрли ўринларни қўлга киритишга муваффақ бўлди-лар.
Сарварбек фаол ўқитувчи си-фатида 2019 йилда “Йилнинг энг яхши фан ўқитувчиси” танловида қатнашиб, 2-ўринни эгаллади. Шу йили Элликқаъла туманида бўлиб ўтган семинарда ўзининг дарс ишланмасини тақдим қилди ва кенг жамоатчилик томонидан алоҳида эътироф этилди.
Ютуқлардан руҳланган ва янада кўпроқ куч олиб, бор куч-ғайратини ёшларга билим беришга сарф этаётган С.Яхшимовдан жорий ўқув йилида физика фанидан мактабдан ташқари гуруҳда таълим олган ўқувчилардан 45 нафари олий таълим даргоҳларига ўқишга киришга му-ваффақ бўлди.
Ўқитувчилик – чинакам фидойилик-ни талаб қиладиган касб. Ҳар қандай шароитда Ватан, келажак олдидаги масъулиятини сидқидилдан адо этишга ҳаракат қилиб келаётган, машаққатларга қарамай, ўз касбига содиқ қолиб, ёшларга билим бериш учун бор имкониятларини ишга солаётган жонкуяр ўқитувчилар муносиб меҳнатлари билан соҳа ривожини таъминлайди ва жамият тараққиётини янада юксалтиради. Элимиз бахтига мана шундай, ша-рафли касбидан камол топаётган Сарварбек каби фидойи ўқитувчи-лар доим омон бўлсин!
Озода Худойберганова.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
