ShARAFLI KASBDAN KAMOL TOPAYoTGAN YoSh OʻKITUVChI

Inson oʻsib-ulgʻayish davomi-da ilm, turli hunar, kasb-kor oʻrganib, oʻzligini taniydi. Har biri-mizga oʻzligimizni tanitadigan, harf oʻrgatib, savodimizni chiqaradigan, ilm, kasb-kor, hunar oʻrgatadigan aziz va mukarram zot esa bu – ustozdir.

Ustozlardan puxta saboq olgan, ularga havas qilib, shu sharafli kasbni tanlagan tumandagi 40-sonli maktabning fizika fani oʻqituvchisi Sarvarbek Yaxshimov ham yosh boʻlishiga qaramasdan, bugun oʻzi sevimli muallim, kasbining fido-yisi sifatida elga tanilmoqda. Undan taʼlim olib, fanni mukammal oʻzlashtirgan talay yoshlar hozir nufuzli oliygohlarda taʼlimni davom ettirib, oʻzlari tanlagan kasblarni puxta oʻrganishmoqda.

Sarvarbek 1993-yilda Amudaryo tumanida tugʻilgan. Oʻrta maktabda oʻqib yurgan chogʻlaridanoq aniq fanlarga qiziqa boshladi. Ayniqsa, fizika, astronomiya, matematika va geometriya darslari qanday oʻtib ketganini sezmas, mavzularni ol-dindan oʻzlashtirib, ustozlaridan doim olqish eshitar edi. Maktabni tugatganidan soʻng, u 2013-yilda Qo-raqalpoq Davlat Universitetining fizika-matematika fakultetiga oʻqishga kirdi va 2017-yilda muvaf-faqiyatli tugatib, oliygohning ma-gistratura bosqichida ham taʼlim oldi. Iqtidorli mutaxassis 2017-yildan 40-sonli maktabda fizika fani oʻqituvchisi boʻlib ishlay boshladi.

Maktabdagi ilk ish faoliyatida-noq Sarvarbek oʻz sohasiga yangilik-larni tatbiq etishga intiladigan, faniga ijodiy yondashadigan, oʻquv-chilarga taʼlim-tarbiya berishning yangi yoʻllarini izlab topish borasida tinmay ishlaydigan kasb egasi sifatida koʻzga koʻrina boshladi.

U ilk pedagoglik faoliyatini boshlagan 2017-2018 oʻquv yilidan oʻquvchilarni fanga qiziqtirishning uddasidan chiqdi. Shu yilgi fanlar olimpiadasida fizika fanidan oʻquvchisi M.Shukurullayeva 9-sinf-lar oʻrtasida qatnashdi va tumanda 1-oʻrin gʻolibligini qoʻlga kiritdi.

Sarvarbekdan taʼlim olgan yuqori sinf oʻquvchilari Z.Abdullayeva, F.Ashirboyeva, S.Jabborberganova-lar ham fizika fanidan fanlar olimpiadasida faxrli oʻrinlarni qoʻlga kiritishga muvaffaq boʻldi-lar.
Sarvarbek faol oʻqituvchi si-fatida 2019-yilda “Yilning eng yaxshi fan oʻqituvchisi” tanlovida qatnashib, 2-oʻrinni egalladi. Shu yili Ellikqaʼla tumanida boʻlib oʻtgan seminarda oʻzining dars ishlanmasini taqdim qildi va keng jamoatchilik tomonidan alohida eʼtirof etildi.

Yutuqlardan ruhlangan va yanada koʻproq kuch olib, bor kuch-gʻayratini yoshlarga bilim berishga sarf etayotgan S.Yaxshimovdan joriy oʻquv yilida fizika fanidan maktabdan tashqari guruhda taʼlim olgan oʻquvchilardan 45 nafari oliy taʼlim dargohlariga oʻqishga kirishga mu-vaffaq boʻldi.

Oʻqituvchilik – chinakam fidoyilik-ni talab qiladigan kasb. Har qanday sharoitda Vatan, kelajak oldidagi masʼuliyatini sidqidildan ado etishga harakat qilib kelayotgan, mashaqqatlarga qaramay, oʻz kasbiga sodiq qolib, yoshlarga bilim berish uchun bor imkoniyatlarini ishga solayotgan jonkuyar oʻqituvchilar munosib mehnatlari bilan soha rivojini taʼminlaydi va jamiyat taraqqiyotini yanada yuksaltiradi. Elimiz baxtiga mana shunday, sha-rafli kasbidan kamol topayotgan Sarvarbek kabi fidoyi oʻqituvchi-lar doim omon boʻlsin!

Ozoda Xudoyberganova.