"ОМИКРОН"ДАН ГРИППНИ ҚАНДАЙ ФАРҚЛАШ МУМКИН?
Ҳозир дунёнинг қатор давлатларида коронавирус пандемиясининг янги тўлқини билан бирга, грипп ва ЎРВИ эпидемияси ҳам кузатилмоқда. Шамоллаш билан боғлиқ бу хасталиклар белгилари аксарият ҳолларда “омикрон” штамми аломатлари билан деярли бир хил намоён бўлаяпти.
"Омикрон"нинг яширин муддати узоқроқ — 4-6 кун давом этади. Бурун оқиши, иситма эса бошқа ўткир респиратор вирусли инфекцияларга хос.
Коронавирус натижасида овқат ҳазм қилиш тизими фаолияти бузилиши мумкин. СOVID-19нинг ўрта ва оғир босқичларида касалликнинг 5-, 7-кунларига келиб, тана ҳарорати 38-39 даражадан ошиши, нафас етишмовчилиги, ҳансираш пайдо бўлиши мумкин.
Юқоридаги ҳолатлар кузатилган беморлар, албатта, шифокор қабулига боришлари шарт. Аниқ ташхис қўйиш учун эпидемиологик анамнез, ПЗР-тест ва бошқа тиббий таҳлиллар натижалари талаб этилади. Шунга кўра, мутахассис томонидан тегишли муолажалар буюрилади.
Тегишли текширув натижаларига кўра, мутахассис томонидан хасталикнинг оғирлик даражаси ва беморнинг аҳволига кўра, стационар ёки амбулатор муолажалар белгиланиши мумкин. СOVID-19нинг симптомсиз кечаётган ва енгил даражасида уй шароитида даволанишга рухсат берилади. Уй шароитидаги муолажалар камида бир ҳафта давом этиши керак. Антибиотикларни ўзбошимчалик билан, рецептсиз ва тартибсиз қабул қилиш турли аъзолар фаолиятини издан чиқариши ва ҳатто беморлар ўлимига сабаб бўлиши мумкин.
Энг самарали профилактик чора сифатида эса коронавирусга қарши ўз вақтида, тўлиқ босқичда ва бустер дозада эмланишни тавсия этамиз.
Мирзабек Аманкулов,
туман СЭОваЖСБ олий тоифали эпидемиолог-шифокори.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
