ЯНГИ ЎЗБЕКИСТОН ВА ЯНГИ ҚОРАҚАЛПОҒИСТОННИ БИРГАЛИКДА ҚУРИШДА ЯНГИЛАНАЁТГАН КОНСТИТУЦИЯ МУҲИМ АҲАМИЯТ КАСБ ЭТАДИ
Маълумки, “Ўзбекистон Республикасининг Конституциясига ўзгартиш ва қўшимчалар киритиш тўғрисида”ги эълон қилинган қонун лойиҳаси умумхалқ муҳокамасидан ўтказилади. Фуқаролар томонидан билдирилган фикр ва мулоҳазалар асосида Қонунчилик палатаси томонидан такомилига етказилади. Кейин эса мазкур лойиҳа Ўзбекистон Республикаси референдумига қўйилиб, фуқароларимиз эркин овоз бериш орқали ўзларининг бу масала бўйича хоҳиш-иродасини ифода этади. Шундан кейингина Ўзбекистон Республикасининг Конституциясига киритилаётган ўзгартиш ва қўшимчалар қонуний тусга киради.
Конституциявий ислоҳотлар Ватанимизнинг бугунги ва келажак ҳаёти учун ғоят муҳим масала бўлгани сабабли, муҳокамаларда кўпмиллатли халқимиз томонидан кўплаб таклиф ва тавсиялар берилди. Шу қатори Қорақалпоғистон Республикаси аҳолиси кўтарган барча таклифлар ушбу Конституция лойиҳасида ҳар томонлама инобатга олинди. Ҳудуднинг ўзига хос этник, маданий хусусиятлари, миллий урф-одат ва қадриятлари, алоҳида ҳуқуқий мақомини эътиборга олиб янгиланаётган Конституцияда Қорақалпоғистоннинг давлат тузилиши ва сиёсий тизими билан боғлиқ бирорта модда ўзгармади.
Шу билан бирга, Конституциянинг бутун матни янгиланаётганлигини инобатга олиб, фақат моддаларнинг тартиб рақами ўзгарган холос. Олдинги 70-75-моддалар лойиҳада тегишинчи 85-90-моддалар сифатида келтирилмоқда. Чунки, Конституциянинг моддалари 27 тага кўпаймоқда, ҳозирда 155 тани ташкил қилмоқда.
Янгиланаётган Асосий Қомусимиз лойиҳасида Оролбўйи масаласи Конституция даражасига олиб чиқилгани нафақат шу ҳудудда яшовчи фуқаролар, балки бутун Ўзбекистон аҳолиси учун муҳим аҳамиятга эга. Янгиланаётган Конституцияга кўра эндиликда Оролбўйи минтақасининг экологик тизимини муҳофаза қилиш ҳамда тиклаш, минтақани ижтимоий ва иқтисодий жиҳатдан ривожлантириш юзасидан чоралар кўриш давлат аҳамиятидаги янада муҳим масала сифатида мустаҳкамланади.
Қисқача айтиладиган бўлса, Янги Ўзбекистон ва Янги Қорақалпоғистонни биргаликда қуришда, шу юрт ҳудуди ҳар жиҳатдан ривож топишида, аҳолиси фарвон ҳаёт кечиришида ушбу Янгиланаётган Конституция муҳим аҳамият касб этади.
Қ.Атамурадов, Фуқаролик ишлари бўйича Амударё суди раиси
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
