ЭЛ БИРДАМЛИГИ - КАТТА КУЧ

Мен мамлакатимиз Президенти И.Каримовнинг Ўзбекистон Республикаси Олий Мажлиси Қонунчилик палатасининг биринчи ташкилий йиғилишидаги нутқини бутун диққат-эътиборим билан тингладим. Юртбошимизнинг мамлакатимизда истиқлол йилларида амалга оширилган улуғвор ишларга баҳо бериб, келгусида олдимизда турган муҳим вазифаларга депутатлар эътиборини тортиб, "Бугунги кунда биз юртимизда ҳуқуқий демократик давлат, эркин фуқаролик жамияти қурилишига қаратилган олис ва оғир йўлнинг фақат бир қисминигина босиб ўтдик, холос. Унинг ҳал қилувчи қисми ҳали олдинда, яъни бу йўлда ўз ечимини кутиб турган вазифаларимиз камайгани йўқ, аксинча замон талаби билан уларнинг кўлами ва миқёси тобора кенгайиб бормоқда. Албатта, барчамиз бу ҳақиқатни яхши тушунамиз ва бу йўлда қанчадан-қанча кутилмаган қийинчиликлар, турли синовлар бўлиши мумкинлигини ҳам ўзимизча тасаввур қиламиз”, деган сўзлари айниқса, қаттиқ таъсир қилди.

Ҳа, олдимиздаги вазифалар машаққатли. Бироқ менинг назаримда истиқлолнинг илк даврларида мамлакатимиз танлаган ўзига хос ва ўзига мос тараққиёт йўлига бутун халқимиз ишонди ва меҳнат қилди. Озиқ-овқат маҳсулотлари тақчиллиги, иқтисодий қийинчиликларга қарамай, шу йўл порлоқ истиқболга элтишига ишониб, эртаги кунига ишониб, борига қаноат қилиб яшади халқимиз. Дуч келган қийинчиликка баробар елка тутди. Буларни енгишга ундаган, халқимизни бирлаштирган куч–Ватанимиз келажагига, танланган тараққиёт йўлига ишонч эди. Ва бу йўлнинг истиқбол йўли эканлигини бугун бутундунё тан олди. Дунё харитасида Ўзбекистон дея аталувчи иқтисоди бақувват, фарзандлари ҳеч кимдан кам бўлмаган, йил ўн икки ойи қуёшли мамлакат ўз ўрни, мавқеига эга бўлди.

Ҳаёт–ҳаракат демакдир. Бирбири билан оғаини, дўст-биродар халқимиз олдимиздаги режаланган ишларнинг ҳам якдиллик билан уддасидан чиқадилар, деб ишонаман.

Нафиса САФАРБАЕВА,

31-мактаб ўқитувчиси.

(Фото - http://www.uza.uz)