ГУЛЗОР МАҲАЛЛАСИДА ЯНГИ “SHАHZODА WEDDING” ГЎЗАЛЛИК САЛОНИ ИШ БОШЛАДИ
Мамлакатимизда ёшлар тадбиркорлигини ривожлантиришга қаратилган чора-тадбирлар туфайли турли йўналишлар бўйича ташкил этилаётган тадбиркорлик субъектлари сони тобора ошиб бормоқда. Натижада кўплаб ёшлар касб-ҳунарга ўқитилиб, доимий иш билан бандлиги таъминланмоқда. Амударё туманида ҳам бу борада амалга оширилаётган ишлар эътиборга муносиб. Буни сўнгги икки-уч йил ичида туман маркази, ҳатто олис қишлоқлар ҳудудларида фаолият олиб бораётган маиший хизмат кўрсатиш шохобчалари, кундалик буюмлар ва озиқ-овқат дўконлари, гўзаллик салонлари, бичиш-тикиш устахоналари мисолида яққол кўриш мумкин.
Жорий йилнинг 17 май санасида Манғит шаҳрининг Гулзор маҳалласи ҳудудининг энг сўлим гўшаларидан бири, “Истиқбол” кўчасида ҳам ана шундай тадбиркорлик субъектларидан бири ўз фаолиятини бошлади. “SHАHZODА WEDDING” номи билан ўз фаолиятини бошлаган ёшлар гўзаллик салони ташкил этилиши билан 3 нафар маҳалла ёшларининг доимий иш билан бандлиги таъминланди.
Мазкур гўзаллик салонининг очилиш маросимида маҳалла аҳолини Амударё тумани ҳокимининг биринчи ўринбосари Рашид Салаев ва туман ҳокими ўринбосари, оила ва хотин-қизлар бўлими раиси Гўзал Сабуровалар Гулзор маҳалласи ёшлари учун замонавий шарт-шароитларга эга гўзаллик салони ташкил этилгани билан табрикладилар ва “SHАHZODА WEDDING” гўзаллик салонини ташкил этишда фидойилик кўрсатган якка тадбиркор Муқаддас Қуроловага чин дилдан миннатдорчилик билдирдилар.
Дарвоқе, якка тадбиркор Муқаддас Қуролова бир неча йиллардан бери Манғит буюм бозорида кўрпа-ёстиқ жилдлари, сочиқлар савдоси билан шуғулланиб келади. У оила иқтисодидан келиб чиқиб, вояга етган фарзандларининг иш билан бандлигини таъминлаш мақсадида ўз маблағи ҳисобидан қурилган бинони гўзаллик салони фаолияти учун мослаштириб, таъмирдан чиқарди. 100 миллион сўмдан зиёд ўз маблағи ҳисобига гўзаллик салони учун зарур жиҳозлар, асбоб-анжомлар сотиб олди. Шунингдек, 25 хилдаги замонавий тўй либослари, пардоз-андоз воситалари, келин саломларида кийиладиган 10 дан ортиқ миллий либослар тўпламлари, миллийликка хос замонавий оқшом либослари тўпламлари билан гўзаллик салонининг ўз фаолиятини тўлиқ бошлаши учун шароит яратди. Натижада ўзининг фарзандлари Сайёрахон ва Муқаддамхон Қўчқоровалардан ташқари 3 нафар маҳалла қизларининг бандлигини таъминлади.
Якка тадбиркор Муқаддас Қуролованинг режалари катта. Келгусида у имтиёзли кредит маблағи олиб, гўзаллик салони фаолиятини янада кенгайтириш ниятида. Айни пайтда ҳам мазкур гўзаллик салонида қўшимча 4 та иш ўрни мавжуд бўлиб, тажрибал визажист-стилист, макияж устаси, аёллар сартарошлиги йўналишлари бўйича ишчи-ходимларни иш билан таъминлаш имконияти бор.
Гулзор маҳалласи, қолаверса, амударёлик ёшларнинг тўю-ҳашамларда янада гўзал, маданиятли кийинишлари, сочларини замонавий услубларда, ўзларига ярашиқли, қолаверса, мижозлар талаблари асосида турмаклашлари учун энг яқин маслаҳатгўй ва кўмакдош бўлишга ҳамиша шай бўлган “SHАHZODА WEDDING” гўзаллик салонининг моҳир ходимларининг эзгу ишларида муваффақиятлар тилаймиз.
Робия ЙЎЛДОШЕВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
