3-dekabr – Xalqaro nogironlar kuniga bağişlangan tadbir bölib ötdi

Maʼlumki, Birlaşgan millatlar taşkiloti Boş Assambleyasining 1992-yil 14-oktabrdagi rezolyutsiyasiga muvofiq, har yili 3-dekabr sanasi butun dunyoda Xalqaro nogironlar kuni sifatida nişonlanib kelmoqda. Dunyo mamlakatlari qatori yurtimizda ham uşbu sana keng nişonlanadi.

Sana munosabati bilan Amudaryo tumani hokimligi tomonidan katta bayram tadbiri taşkil etildi. Tumanimizdagi “Oltin saroy” tantanalar saroyida nogironligi bölgan hamyurtlarimiz uçun bayram dasturxoni yozildi. Tadbirda tuman hokimining birinçi örinbosari – iqtisodiy taraqqiyot va kambağallikni qisqartiriş bölimi boşliği Fahriddin Yusupov sözga çiqib, bugungi kunda muhtaram Prezidentimiz tomonidan keksalar va nogironligi bölgan şaxslarni ijtimoiy himoya qiliş hamda qöllab-quvvatlaş masalasiga alohida eʼtibor qaratilayotgani, bu borada amalga oşirilayotgan çora-tadbirlar natijasida uşbu toifa vakillari turmuş tarzining tobora yaxşilanayotgani xususida söz yuritdi hamda barçani bayram bilan tabrikladi.

Tuman “Inson” ijtimoiy xizmatlar markazi boşliği Ğulomjon Duysenboyev öz nutqida inson huquqlari, jumladan, nogironligi bölgan şaxslar huquqlarining kafolatlarini mustahkamlaş, nogironligi bölgan şaxslarning jamiyat hayotining barça sohalarida iştirok etişlari uçun zarur şart-şaroitlar yaratiş masalasiga katta eʼtibor qaratilayotganini taʼkidlab, Özbekiston Respublikasi Prezidentining “Nogironligi bölgan şaxslarni qöllab-quvvatlaş tizimini takomillaştirişga doir qöşimça çora-tadbirlar töğrisida”gi qarori bu borada muhim dasturulamal bölayotganini qayd etdi.

Şundan söng bayram dasturxoniga taklif etilgan barça nogironligi bölgan hamyurtlarimiz uçun tuman hokimligi tomonidan tayyorlangan bayram sovğalari topşirildi. Tadbir tuman Madaniyat bölimi xonandalari ijrosidagi betakror kuy-qöşiqlar bilan davom etdi.

Taʼkidlaş joizki, mamlakatimizdagi oliy taʼlim muassasalarida nogironligi bölgan şaxslar uçun alohida kvotalar belgilanganligi ham davlat tomonidan ularga berilayotgan keng imkoniyatlar belgisi sanaladi. Uşbu imkoniyatlardan samarali foydalangan holda tumanimizdan 5 nafar nogironligi bölgan yoşlarimiz oliy taʼlim muassasalari talabasi bölişdi. Bu kabi xayrli işlarning amalga oşirilişida katta maʼno bor. Çunki davlatimiz siyosatida ham, muqaddas islom dinimiz taʼlimotlarida ham inson eng aziz va mukarram sanalgan. Mehr-muruvvatli va bağrikeng xalqimiz ham azal-azaldan yordamga muhtoj, imkoniyati çeklangan insonlarga eʼtibor va ğamxörlik körsatişni jamiyatda tinçlik, döstlik va hamjihatlikni mustahkamlaşga xizmat qiladigan eng muhim qadriyatlardan biri sifatida eʼzozlab keladi.

Ana şunday ezgu anʼanalarimizni bugungi zamon talablari asosida rivojlantiriş maqsadida sönggi yillarda mamlakatimizda imkoniyati çeklangan fuqarolarimizni qöllab-quvvatlaş, ular uçun zarur barça şaroitlarni yaratiş borasidagi davlat siyosati yangi bosqiçga kötarilmoqda.

Bayram tadbiri şöx-şodon kuy-qöşiqlar bilan yuqori kayfiyatda ajoyib taassurotlarga boy tarzda ötdi.

Çaros Arslonova, tuman hokimligining Axborot xizmati rahbari.