OÇIQ DARS-MAŞĞULOTLARI MAHORATLI ÖQITUVÇILAR VA BILIMDON ÖQUVÇILARNI KAŞF ETIŞ IMKONINI BERMOQDA

Bugungi kunda umumtaʼlim maktablari öqituvçilarining kasbiy mahoratini oşiriş, ötilayotgan darslar, tögarak va laboratoriya maşğulotlarining öquvçilar uçun yanada qiziqarli bölişini taʼminlaş maqsadida zamonaviy pedagogik texnologiyalar hamda innovatsion ğoyalardan samarali foydalaniş, ilğor öqituvçilarning dars işlanmalarini amaliyotga keng joriy etişga alohida eʼtibor qaratilmoqda. Bunda, albatta, oçiq darslarning ahamiyati katta. Çunki oçiq darslar nafaqat mahoratli öqituvçilarni, balki fanlar yönalişlari böyiça iqtidorli öquvçilarni ham kaşf etiş imkonini beradi. Biz bunga joriy yilning 11-dekabr sanasida Amudaryo tuman Maktabgaça va maktab taʼlimi bölimi tasarrufidagi 70-sonli umumtaʼlim maktabida ötkazilgan oçiq darsni kuzatiş jarayonida yaqqol guvoh böldik.

Dastlab maktabning 4-sinf öqituvçisi Latifa Saidabdullayeva rahbarligida ona tili fanidan taşkil etilgan oçiq darsda iştirok etdik. Mazkur darsda öqituvçi öquvçilarga söz turkumlari, matnda söz qöllaş sanʼati, sözlarning maʼnolari, gap tuziş va tiniş belgilarining ahamiyati xususida batafsil tuşunçalar berdi. Dars jarayoniga öquvçilarning faol aralaşuvini taʼminlab, partalar qatori böyiça söz yasaş qöşimçalari yordamida yangi sözlar yasaş, gap tuziş böyiça musobaqalar ötkazdi. Söng öquvçilar bilimini sinovdan ötkaziş maqsadida guruhlararo savol-javoblar taşkil etib, öquvçilarda ona tilini mukammal örganişga bölgan intiliş va qiziqiş hissini uyğotişga erişdi.

Oçiq dars maşğulotini maktab direktorining maʼnaviy-maʼrifiy işlar böyiça örinbosari Gulimboy Yusupov, öquv işlari böyiça örinbosari Uluğbek Jumamurodov, maktab psixologi Muhayyo Örinboyeva hamda ona tili va adabiyot fani öqituvçisi Rayhon Jumaniyozovalar kuzatib, tahlil qilib bordilar va Latifa Saidabdullayeva tomonidan amalga oşirilgan oçiq dars muvaffaqiyatli tarzda ötkazilgani, öquvçilarning faolligi oşganini va dars jarayoni orqali öquvçilarda öz ona tili bilan faxrlaniş tuyğusini uyğotganini taʼkidladilar.

Şu kuni maktabning tabiiy fanlar böyiça uslub birlaşmasi rahbari Lola Abdullayeva rahbarligida “Is gazidan zaharlanişning oldini oliş va birinçi yordam körsatiş” mavzusida kimyo keçasi tadbiri ham taşkil etildi. Tadbirda maktabning 8-9-sinflar öquvçilari iştirok etişdi. Öquvçilar guruhlarga bölingan holda özlarining kimyo fanidan olgan bilimlarini sinovdan ötkazdilar, biri-biridan qiziqarli savol-javoblar orqali kimyo fanining möʼjizaviy qudrati, mamlakatimiz taraqqiyoti va xalqimiz hayotida tutgan beqiyos katta örni xususida misollar keltirib, masalalar yeçdilar.

Ayniqsa, “Is gazidan zaharlanişning oldini oliş va unda birinçi yordam körsatiş” mavzusiga doir sahna körinişi va qiziqarli amaliy maşğulotlar kuzatuvçilar tomonidan maktab öqituvçilarining tabiiy fanlarni öqitişda öziga xos tajribaga ega ekanliklarining amaliy isboti sifatida eʼtirof etildi.

Kimyo keçasi tadbiridan söng şu kungi rejaviy jadval asosida maktabning 4-sinf öquvçilari iştirokidagi “Hosil bayrami” tadbiri ham ötkazildi. Öquvçilar qalbida ona tabiatga bölgan mehr-muhabbatni yanada mustahkamlaş, mirişkor dehqonlarimiz tomonidan yetiştirilgan noz-neʼmatlarning qadriga yetiş, ösib kelayotgan yoş avlodni atrof-muhitni avaylab-asraş ruhida tarbiyalaş maqsadida Latifa Saidabdullayeva tomonidan 4-sinf öquvçilari iştirokida taşkillaştirilgan mazkur tadbirda öquvçilar turli poliz va sabzavot mahsulotlari va mevalarga şeʼriy taʼriflar berişdi. Atrofimizdagi olam – quyoş, yer, suv, havo, jonli va yaşil tabiatning insonlar uçun barqaror va farovon, gözal hayot manbai bölib xizmat qilişi töğrisidagi fikr va tuşunçalarini ifodaladilar.

Maktab maʼmuriyatining rejaviy jadvaliga köra taşkil qilingan 8-9-sinf öquvçilarini “PISA—2025” baholaş dasturiga tayyorlaş borasidagi işlar bilan ham yaqindan tanişdik. Maktabda Özbekiston Respublikasi Maktabgaça va maktab taʼlimi Vazirining tegişli buyruğiga asosan öquv işlari böyiça direktor örinbosari Uluğbek Jumamurodov rahbarligida muntazam ravişda pedagog xodimlarning kasbiy mahoratini oşiriş böyiça aniq va tabiiy fanlar kesimida “Kasbiy rivojlaniş soati” seminar-treninglari ham ötkazib turiladi. Şuningdek, 9-sinf öquvçilarining aniq va tabiiy fanlar yönalişlari böyiça “GEREBRY” platformasidan foydalanib, aniq va tabiiy fanlar böyiça topşiriqlarni bajariş yuzasidan tahliliy işlar ham amalga oşirilayotgani öquvçilarning mazkur yönalişdagi fanlarni muvaffaqiyatli özlaştiriş imkonini bermoqda.

Maktab pedagogika jamoasining özaro hamjihatlik bilan amalga oşirayotgan işlari, zamonaviy pedtexnologiyalar va ilğor öqituvçilarning namunali dars işlanmalarini amaliyotga izçil joriy etişga qaratilgan oçiq dars maşğulotlari öquvçilar bilimini yanada mustahkamlaş imkonini bermoqda.

Robiya Yöldoşeva.