Umumtaʼlim maktablarining oʻquv ishlari boʻyicha direktor oʻrinbosarlari ishtirokida seminar-trening oʻtkazildi
Amudaryo tuman Maktabgacha va maktab taʼlimi boʻlimi tasarrufidagi 76-sonli umumtaʼlim maktabida “Oʻquvchilar bilimini baholashning yangi tizimi hamda taʼlim sifatini oshirishda oʻquv ishlari boʻyicha direktor oʻrinbosarining roli” mavzusida seminar-trening boʻlib oʻtdi. Unda tumandagi barcha umumtaʼlim maktablarining oʻquv ishlari boʻyicha direktor oʻrinbosarlari ishtirok etdi.
Tadbirni Maktabgacha va maktab taʼlimi boʻlimi mudiri Ya. Shamuratov hamda tuman ixtisoslashtirilgan maktabning oʻquv ishlari boʻyicha direktor oʻrinbosari R. Xalmuratov ochib berdi. Masʼullar tomonidan seminar-treningning asosiy maqsadlari, direktor oʻrinbosarlarining kasbiy salohiyatini oshirish, xalqaro va milliy tajribalar asosida taʼlim jarayonini samarali tashkil etish, baholashning mezonlarga asoslangan tizimini joriy etish, raqamli resurslardan foydalanish hamda maktablarda metodik xizmat faoliyatini kuchaytirish zarurligi taʼkidlandi.
Seminar doirasida yangi baholash tizimi joriy etilgan 1-, 5-, 8-, 18-, 29-, 36- va 55-sonli maktablar tajribasi asosida taqdimotlar oʻtkazildi. Unda formativ va summativ baholash, raqamli taʼlim resurslaridan samarali foydalanish, shuningdek, metodik xizmatni tashkil etish mexanizmlari toʻgʻrisida mashgʻulotlar olib borildi.
Mashgʻulotlar nazariya va amaliyot uygʻunligida tashkil etildi. Ishtirokchilar oʻrtasida faol fikr almashinuvi, amaliy takliflar va mulohazalar uchun keng imkoniyat yaratildi.
Tadbir yakunida ishtirokchilar tomonidan yangi baholash tizimini samarali joriy etish, pedagoglarning bilim va koʻnikmalarini muntazam ravishda yangilab borish hamda taʼlim jarayonida ilgʻor yondashuvlarni amaliyotga tatbiq etish muhimligi taʼkidlandi.
R. Yakubova, tuman Maktabgacha va maktab taʼlimi boʻlimi metodisti.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
