Davlat xizmatchilariga korruptsiyaga qarshi kurashish boʻyicha milliy qonunchilikdan koʻchirmalar tarqatildi
Korruptsiyaga qarshi kurashishda davlat organlari, jamoatchilik va fuqarolik jamiyati institutlarining hamkorligi muhim oʻrin tutadi. Xususan, jamoatchilikning xabardorligini oshirish, sohaga oid huquqiy bilimlarni keng ommaga yetkazish, aholi, ayniqsa, davlat xizmatchilari oʻrtasida halollik, masʼuliyat va javobgarlik hissini shakllantirish bugungi kunning dolzarb vazifalaridan biridir.
“Taraqqiyot koʻzgusi” gazetasi tahririyatining Oʻzbekiston Respublikasi Oliy Majlisi huzuridagi Fuqarolik jamiyati institutlarini qoʻllab-quvvatlash jamoat fondi tomonidan moliyalashtirilgan “Biz korruptsiyaga qarshimiz!” nomli grant loyihasi doirasida amalga oshirilayotgan tadbirlar aynan shu maqsadga xizmat qilmoqda. Loyiha doirasida davlat xizmatchilari ishtirokida maʼnaviy-maʼrifiy tadbirlar, davra suhbatlari oʻtkazilmoqda.
Xususan, Davlat kadastrlari palatasi Amudaryo tuman filiali, tuman Adliya boʻlimi va Doʻstlik mahalla fuqarolar yigʻini maʼmuriy binosida oʻtkazilgan davra suhbatlarida korruptsiyaning jamiyat va davlat rivojiga salbiy taʼsiri, uning ijtimoiy va iqtisodiy oqibatlari, fuqarolarning huquqiy ongi va huquqiy madaniyatini oshirish masalalari atroflicha muhokama etildi. Shuningdek, ishtirokchilarga korruptsiyaga qarshi kurashish boʻyicha milliy qonunchilikdan koʻchirmalar tarqatildi. Unda korruptsion holatlarning oldini olish, manfaatlar toʻqnashuvi, shaffoflik va javobgarlikni taʼminlashga oid muhim normalar oʻz ifodasini topgan.
Jamiyatda korruptsiyaga nisbatan murosasiz munosabatni qaror toptirish, davlat xizmatchilarining halollik va masʼuliyatni oʻz vazifalarining ustuvor tamoyiliga aylantirishi — yurtimizda huquqiy demokratik davlat va kuchli fuqarolik jamiyatini barpo etishda muhim ahamiyat kasb etadi. Shu bois, bunday maʼnaviy-maʼrifiy tadbirlarning ahamiyati beqiyosdir.
Shohzod Qurbonboyev, loyiha koordinatori.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
