Amudaryo tumanida press-tur: mahallalarda aholi farovonligi yölidagi islohotlar OAV nigohida

Bugun yurtimizda olib borilayotgan islohotlarning mazmun-mohiyati, ularning joylardagi amaliy natijalari va oddiy insonlar hayotida qanday özgarişlar yasayotganini jamoatçilikka yetkazişda ommaviy axborot vositalarining örni beqiyos. Şu maqsadda Amudaryo tumani hokimligining Axborot xizmati taşabbusi bilan tumandagi mahallalarda aholi farovonligini oşiriş, tadbirkorlikni rivojlantiriş, xotin-qizlarni qöllab-quvvatlaş hamda bandlikni taʼminlaş borasida amalga oşirilayotgan işlar yuzasidan keng qamrovli press-tur taşkil etildi.

Mazkur press-turda respublika va mahalliy miqyosdagi yetakçi OAV vakillari — Özbekiston Milliy axborot agentligi (ÖZA), “Sevimli” telekanali, “Qoraqalpoğiston” teleradiokanali, “Amudaryo” telekanali hamda “Taraqqiyot közgusi” gazetasi jurnalist va muxbirlari iştirok etib, mahallalarda olib borilayotgan islohotlar, ijtimoiy-iqtisodiy loyihalar hamda yaratilayotgan yangi imkoniyatlar bilan bevosita joyida tanişdilar.

Press-tur davomida OAV vakillari tumanning bir qator mahallalarida bölib, tadbirkorlik subʼektlari faoliyati, xotin-qizlar bandligi, tomorqaçilik va dehqonçilikni rivojlantirişga qaratilgan taşabbuslar, şuningdek, aholining turmuş şaroitini yaxşilaş borasida amalga oşirilayotgan işlarni közdan keçirdilar. Har bir manzilda amalga oşirilayotgan loyihalar aniq misollar orqali namoyiş etilib, aholi bilan oçiq muloqotlar ötkazildi.

Xususan, Uyşin mahallasida tadbirkor taşabbusi bilan bunyod etilgan zamonaviy oilaviy şifokorlik punkti faoliyati jurnalistlarda katta qiziqiş uyğotdi. Uşbu maskan mahalla aholisiga qulay va sifatli tibbiy xizmat körsatişga xizmat qilmoqda. Arna böyi mahallasida esa asalariçilikni rivojlantiriş borasida amalga oşirilayotgan işlar, bu sohaning aholi daromadini oşirişdagi ahamiyati yoritib berildi.

Şuningdek, Döstlik mahallasidagi “Yangi Özbekiston” massivi tarkibida barpo etilayotgan zamonaviy köp qavatli turar joylar, aholi uçun yaratilayotgan qulay yaşaş şaroitlari OAV vakillariga batafsil taniştirildi. Bu loyihalar hudud infratuzilmasini yaxşilaş, aholi turmuş sifatini oşirişga xizmat qilmoqda.

Press-tur doirasida Ayoqçi mahallasida xotin-qizlar bandligini taʼminlaşga qaratilgan namunali taşabbuslar ham eʼtibordan çetda qolmadi. Mahallada yaşovçi Gavhar Annamuratova 15-yildan buyon tikuvçilik hunari bilan şuğullanib kelmoqda. Onasidan örgangan uşbu kasbni bugun tadbirkorlik darajasiga kötargan Gavhar opa nafaqat oilasini, balki boşqa xotin-qizlarni ham iş bilan taʼminlab kelmoqda. Ikki yil avval mahalla hokim yordamçisi va xotin-qizlar faoli kömagida 100 million söm kredit olib, zamonaviy tikuv uskunalarini xarid qilgan. Bugungi kunda buyurtma asosida sifatli körpaça, körpa va yostiqlar tikib, aholiga xizmat körsatmoqda. Eng quvonarlisi, u öz hunarining sir-asrorlarini farzandlari va nabiralariga örgatib, kelgusida köplab şogirdlar yetiştiriş va yangi iş örinlari yaratişni maqsad qilgan.

Press-tur iştirokçilari Xolimbeg ovulida yaşovçi namunali tomorqaçi Erkinboy Qöşayev faoliyati bilan ham yaqindan tanişdilar. U yerdan samarali foydalanib, yiliga 3–4-martagaça hosil olayotgan ilğor dehqonlardan biri sanaladi. 2021-yildan buyon limon yetiştirişni yölga qöyib, bu yil qariyb 400 kilogramm limon hosilidan salmoqli daromad oldi. Bundan taşqari, Erkin aka yangi dehqonçilik tajribalarini sinab körib, kartoşkaning “Toşkent” navini ekiş orqali yuqori hosilga erişdi va uruğçilikni rivojlantirişga öz hissasini qöşmoqda. Tomorqasida qulupnay, xurmo, kartoşka, piyoz, bodring, pomidor, sabzi, qovun, tarvuz, kökatlar yetiştiriş bilan birga çorvaçilik, parrandaçilik va quyonçilikni ham yölga qöyganligi uning mehnatsevarligi va taşabbuskorligidan dalolat beradi. 

Press-tur iştirokçilari namunali tomorqaçining yerga bölgan mehri, dehqonçilikdagi tajribalari va mehnat samaralari bilan yaqindan tanişib, bu kabi taşabbuslar boşqa hududlar uçun ham örnak bölişini alohida taʼkidlaşdi.

Xulosa örnida aytiş joizki, bunday press-turlar hududlarda amalga oşirilayotgan islohotlarning oçiqligini taʼminlaş, aholi hayotidagi ijobiy özgarişlarni keng jamoatçilikka yetkaziş, şuningdek, ommaviy axborot vositalari bilan samarali hamkorlikni yanada mustahkamlaşda muhim ahamiyat kasb etadi. Eng muhimi, bu kabi tadbirlar orqali inson qadri, mehnat va taşabbus eʼzozlanayotgan bugungi islohotlar hayotiy misollar orqali namoyon bölmoqda.

Çaros Arslonova, tuman hokimligining Axborot xizmati rahbari.