Gulzor mahalla fuqarolar yigʻini maʼmuriy binosida ochiq va sayyor sud majlisi boʻlib oʻtdi
Amudaryo tumanida aholining huquqiy ongi va madaniyatini yuksaltirishga qaratilgan ochiq va sayyor sud majlisi boʻlib oʻtdi. Joriy yilning 5-mart kuni Gulzor mahalla fuqarolar yigʻini maʼmuriy binosida oʻtkazilgan tadbirda jinoyat ishlari boʻyicha Amudaryo tuman sudi raisi J.Baltabayev, sudya yordamchisi E.Jumaniyozov hamda tuman prokurorining katta yordamchisi R.Temirbayev ishtirok etdi.
Sayyor sud majlisida fuqaro Q.B.ga oid jinoyat ishi koʻrib chiqildi. Sud materiallariga koʻra, u oʻzaro kelishmovchilik oqibatida tanishi X.J. bilan oʻrtalarida kelib chiqqan oʻzaro kelishmovchilik natijasida unga yengil tan jarohati yetkazgan. Sud tibbiy ekspertizasi xulosasi va ish materiallari asosida sudlanuvchi Oʻzbekiston Respublikasi Jinoyat kodeksining 109-moddasi 2-qismi “v” bandi bilan aybli deb topilib, unga 2-yil ozodlikni cheklash jazosi tayinlandi.
Shuningdek, sud majlisi davomida 6 nafar mahkumga nisbatan jazoni oʻtashdan muddatidan ilgari shartli ozod qilishga oid ishlar ham koʻrib chiqildi. Oʻzbekiston Respublikasi JKning 73-moddasi (Jazoni oʻtashdan muddatidan ilgari shartli ozod qilish) tartibida ilgari jinoyat sodir qilib, xozirgi kunda tuzalish yoʻliga qatʼiy oʻtgan hamda oʻrnatilgan tartib-qoida talablarini bajargan va mehnatga halol munosabatda boʻlgan 6 nafar mahkum oʻzlariga nisbatan qoʻllanilgan muayyan huquqdan mahrum qilish jazolarning oʻtalmay qolgan qismini oʻtashdan muddatidan ilgari shartli ravishda ozod qilindi.
Tadbir yakunida ishtirokchilarga korruptsiyaga qarshi kurashishning mazmuni, printsiplari va ahamiyati haqida keng tushunchalar berildi.
Bu kabi sayyor sud majlislari joylarda qonuniylikni taʼminlash va fuqarolarning huquqiy savodxonligini oshirishda muhim ahamiyat kasb etadi.
Jasurbek Baltabayev, Jinoyat ishlari boʻyicha Amudaryo tuman sudining raisi
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
