“Kasaba uyushmasi kubogi” sport musobaqalarining hudud va tuman bosqichlari oʻtkazildi

Amudaryo tumanida taʼlim sohasi xodimlari oʻrtasida «Kasaba uyushmasi kubogi» sport musobaqalari oʻtkazildi.

«Besh tashabbus olimpiadasi» doirasida tashkil etilgan mazkur sport bayrami «Sogʻlom tanda — sifatli taʼlim» shiori ostida oʻtdi. Musobaqada Maktabgacha va maktab taʼlimi vazirligi tizimidagi muassasalar xodimlari oʻz mahoratlarini namoyish etdilar.

Birinchi bosqich: Gʻoliblar saralandi Joriy yilning 6-7-aprel kunlari tumanning 8 ta hududida musobaqaning ilk bosqichi boʻlib oʻtdi. Unda jami 256 nafar xodim gʻoliblikni qoʻlga kiritib, tuman bosqichida ishtirok etish yoʻllanmasini qoʻlga kiritdi.

Keskin va murosasiz bahslar 8-aprel kuni Amudaryo ixtisoslashtirilgan maktabida voleybol, shaxmat, shashka va stol tennisi boʻyicha ikkinchi bosqich bellashuvlari boʻlib oʻtdi. Natijalarga koʻra, quyidagi ishtirokchilar shohsupaning eng yuqori pogʻonasidan joy oldilar:

• Shaxmat: Goʻzal Kenjabayeva (80-maktab) va Oybek Boltabayev (67-maktab);

• Shashka: Dilnoza Yuldasheva (2-maktab) va Amin Eshimbetov (6-maktab);

• Stol tennisi: Fotima Shamuratova (64-maktab) va Doniyor Yuldashev (40-maktab);

• Voleybol: 28-sonli maktabning ayollar jamoasi va 5-sonli maktabning erkaklar jamoasi.

9-aprel kuni 40-sonli maktabning sport maydonida mini-futbol boʻyicha bahslar oʻtkazildi. Unda mahoratli oʻyini bilan ajralib turgan 7-sonli umumtaʼlim maktabi jamoasi gʻoliblikni qoʻlga kiritdi.

Ragʻbat va istiqbol Musobaqa yakunida gʻolib va sovrindorlar Oʻzbekiston taʼlim va fan xodimlari kasaba uyushmasi Amudaryo tuman boʻlinmasi kengashi tomonidan diplom hamda qimmatbaho sovgʻalar bilan taqdirlandilar. Endilikda ushbu gʻoliblar musobaqaning uchinchi bosqichida tuman sharafini himoya qiladilar.

Ulugʻbek ABDURAHMONOV, Taʼlim va fan xodimlari kasaba uyushmasi Amudaryo tuman boʻlinmasi kengashi raisi.