Amudaryoda «Uch avlod uchrashuvi»: baynalmilal jangchining xizmatlari eʼtirof etildi
Tumanimizdagi 18-umumtaʼlim maktabida yosh avlodni vatanparvarlik ruhida tarbiyalashga qaratilgan “Uch avlod uchrashuvi” nomli tadbir boʻlib oʻtdi. Oʻzbekiston “Veteran” jangchi faxriy va nogironlar birlashmasining tumandagi vakili B.Jumaniyozov boshchiligida tashkil etilgan mazkur tadbirni maktab direktori J.Karimov kirish soʻzi bilan ochib berdi.
Uchrashuvda tuman mudofaa ishlari boʻlimi boshligʻi, podpolkovnik Sh.Mamatov, bir guruh Afgʻon urushi faxriylari – B.Matqurbonov, Sh.Saidboyev, B.Qoʻnoqov hamda F.Bekjonovlar ishtirok etdi.
Tadbir davomida baynalmilal jangchi Farhod Otajonovga Gʻalabaning 80-yilligiga bagʻishlangan esdalik medali tantanali ravishda topshirildi.
Farhod Otajonov bugungi kunda Jayhun ovulida istiqomat qiladi. U mazkur 18-sonli maktabda tahsil olib, uni 1980-yilda tamomlagan. Maktabni bitirgach, 1980-1982-yillarda Afgʻonistonda harbiy xizmatni oʻtagan. Bugungi kunda nafaqada boʻlgan qahramonimiz oʻz qadrdon maktabida oʻtkazilgan tadbirda yoshlarga tinchlikning qadri va vatanparvarlikning ahamiyati haqida toʻlqinlanib soʻzlab berdi.
Tadbir davomida oʻquvchilar tomonidan tayyorlangan badiiy chiqishlar yigʻilganlarga xush kayfiyat bagʻishladi. Uchrashuv yakunida faxriylarga maktab oʻquvchilari gullar hadya etib, sobiq jangchilar bilan birga esdalik uchun suratga tushdilar.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
