Yagona Vatan, yagona xalq boʻlib, yangi hayot va kelajak yaratamiz!

Har soha yutugʻin qoʻlga kiritib,
Dunyoning diqqatin oʻzga qaratib,
Vatanim madhini baland yangratib,
Yangicha kelajak yarataylik biz.

Yagona Vatanda birdam xalq boʻlib,
Haqiqiy oʻzbekcha doim mard boʻlib,
Gʻanimlar koʻngliga oʻchmas dard boʻlib,
Yangicha kelajak yarataylik biz.

Har qilgan ishimiz koʻkka intilsin,
Dunyoda oʻzbeklar yagona, bilsin,
Koʻrganlar hayratda «qoyil» deb qolsin,
Yangicha kelajak yarataylik biz.

Tabobat ilmida Ibn Sino ham,
Al-jabr ilmini yozgan dono ham,
Yulduzlar jadvalin tuzgan bobo ham —
Donolar yurtining avlodimiz biz.

Ilimni mukammal egallagan yosh
Vaqt oʻtib shu elda boʻlar ekan bosh.
Har ishni boshlasang yangicha yondosh,
Yangicha kelajak yarataylik biz.

Ilimga intilsang, sharoit bisyor,
Ne desang, yordamga yurtboshim tayyor.
Dunyoda ajoyib shunday Vatan bor —
Yangicha kelajak yarataylik biz.

Oʻzbek bu — qadimdan beklar eli bu,
Diniy ham dunyoviy ilm makoni shu,
Olloh ham ilm ila siylagani shu,
Oʻzbekcha kelajak yarataylik biz.

Kattaga hurmat ham oʻzbekcha odat,
Kichiklar koʻrganda olsin deb ibrat.
Ibratli odamda boʻlar koʻp qudrat,
Ibratli kelajak yarataylik biz!