Tadbirkorlar - ELIMIZNING MADADKORLARI
Mustaqillik barcha sohalarda yuksalish va sifat oʻzgarishlariga keng yoʻl ochib berdi. Mustaqillikka qadar mamlakatimizda umuman mavjud boʻlmagan kichik biznes va xususiy tadbirkorlik sohasida bugungi kunda yalpi ichki mahsulotning 56 foizdan ortigʻi ishlab chiqarilmoqda. Jami ish bilan band aholining 75-77 foizi mazkur sohada mehnat qilayotir. Natijada xalqimizning va jamiyatimizning tayanchi hisoblanmish mulkdorlar sinfi shakllandi. Tadbirkorlarimiz elimizga madadkor boʻlishmoqda. Buni "Sultonbek Safarboyev” masʼuliyati cheklangan jamiyati misolida ham koʻrishimiz mumkin.
Jamiyat faoliyatini dastlab 2011-yilda "Mikrokreditbank” Mangʻit filialining 50 million soʻmlik imtiyozli krediti hisobiga kantselyariya mollarini sotishdan boshlagan boʻlsa, keyinchalik ofis texnikalarni taʼmirlashni, maishiy texnika savdosini ham yoʻlga qoʻydi. Oradan bir yil oʻtib "Ipotekabank”dan 230 million soʻm kredit olib, faoliyatini kengaytirdi. Tumanimizdagi byudjet va byudjetdan tashqari korxonalarga kantselyariya mollarini yetkazib berdi. Gaz, suv, elektr oʻlchagich asboblarini sotish va taʼmirlab davlat standartiga tayyorlab bera boshladi. Faoliyat turi kengaygani jamiyat daromadining koʻpayishiga asos boʻldi.
El xizmatiga bel bogʻlagan jamiyat tadbirkorlari joriy yilda oʻzlarining iqtisodiy imkoniyatlarini hisoblab chiqib, Mangʻit shahrining "Boʻston” mahallasi hududi, Mangʻit buyum bozori oldidagi Qipchoq koʻchasi boʻyidan yer olib, smeta bahosi 1 milliard 250 ming soʻmlik savdo, maishiy xizmat kompleksi qurilishini boshladilar. Kompleks ishga tushirilgach, ayni kunda Nizom Jumamurodov direktorlik qilayotgan mazkur jamiyatda 6 kishi mehnat qilayotgan boʻlsa, yana 10 ish oʻrin yaratiladi va 10 nafar fuqaro ish bilan taʼminlanadi.
2014-yilda jamiyat tomonidan byudjet va byudjetdan tashqari jamgʻarmalarga 122 million soʻmdan ziyod mablagʻ soliq sifatida toʻlandi. Joriy yilning oʻtgan olti oyi mobaynida esa bu koʻrsatkich 870 million soʻmdan oshib ketdi.
Mazkur raqamlar "Sultonbek Safarboyev” masʼuliyati cheklangan jamiyati aʼzolarining mahalliy byudjetimiz mustahkamlanishiga ulkan hissa qoʻshayotganini koʻrsatib turibdi. Tadbirkor – elga madadkor, deganlari shu emasmi?
Oygul RAJABOVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
