TADBIRKORLAR DIQQATIGA!

Birlashgan Millatlar Tashkilotining "Orol dengizi fojiasidan zarar koʻrgan aholi turmush tarzini yaxshilash” qoʻshma Dasturi Oʻzbekiston Respublikasi moliya Vazirligi va Qoraqalpogʻiston Respublikasi Vazirlar Kengashining qoʻllab-quvvatlashi natijasida muvaffaqiyatli amalga oshirilmoqda. Dasturning "Aholi turmush tarzini yaxshilash” boʻlimi tomonidan ovullar hududlarida tadbirkorlik faoliyatini yangidan boshlayotgan va avvaldan harakat qilayotgan tadbirkorlarga kichik koʻlamdagi ishlab chiqarishni yoʻlga qoʻyish, turli sohalardagi innovatsion loyihalarni amalga oshirishlariga yordam koʻrsatish rejalashtirilgan.

Qoʻshma Dastur doirasida Amudaryo tumanida tabiiy asal va mum mahsulotlarini ishlab chiqaruvchi tsex tashkil qilish boʻyicha yangi biznes-rejalarni moliyalashtirish rejalashtirilayotganini maʼlum qilamiz hamda tadbirkorlardan tabiiy asal va mum mahsulotlarini yetishtirishni yoʻlga qoʻyish boʻyicha biznes rejalar kutib qolamiz.

Asalarichilik va mum mahsulotlarini ishlab chiqarish tsexi tashkil etish boʻyicha yangi biznes-loyiha talablari:

1) Nomzod asalarichilikni rivojlantirish sohasida kamida 3 yillik tajribaga ega boʻlishi;

2) Nomzodning qonuniy asosda asalarichilik bilan shugʻullanayotgani (xususiy firma, fermer xoʻjaligi yoki boshqalar) va asalarichilikni yoʻlga qoʻyishni taʼminlashga yetguday asalari uyalariga ega boʻlishi;

3) Nomzodning oʻz tomorqasida asal mahsulotlarini va mum kataklarini ishlab chiqaruvchi uskunalarni joylashtirish uchun umumiy maydoni 100 metrkvadratdan ortiq yangi 2-3 xonadan iborat ish xonasiga ega boʻlishi;

4) Nomzodning kichik zavodni asalarichilik mahsulotlari va mum mahsulotlari bilan uzluksiz taʼminlab borishi uchun hududdagi boshqa asalarichilar bilan mustahkam aloqaga ega boʻlishi;

5) Nomzodning mahsulotni mahalliy va chet ellik xaridorlarga sotishda mahsulotlarning marketingi boʻyicha yuqori qobiliyatga ega boʻlishi.

Qoʻshimcha maʼlumotlar olish va biznes rejalarni taqdim etish shartlari bilan batafsil tanishish uchun quyidagi manzilga murojaat qilishingizni soʻraymiz: Nukus shahri, Yernazar Olakoʻz koʻchasi, 56-uy, 2-qavat.

Birlashgan Millatlar Tashkilotining "Orol dengizi fojiasidan zarar koʻrgan aholi turmush tarzini yaxshilash” qoʻshma Dasturi kengashi.

Telefonlar: (0 361) 224-16-35, 224-13-81

Masʼul xodim: Utemisov Alisher, "Aholi turmush tarzini yaxshilash” boʻlimi boshligʻi. (+99893) 920-07-10.

Biznes rejalarni topshirish muddati 2015-yil 24-oktyabr, soat 18:00 gacha.

(Foto - http://turkistonpress.uz)