TADBIRKORLAR SOLIQ QONUNChILIGIDAGI OʻZGARIShLAR BILAN TANIShTIRILDI
Yaqinda tuman prokuraturasida tadbirkorlar ishtirokida yigʻilish oʻtkazildi. Sohaga oid qonunchilikdagi soʻnggi oʻzgarishlardan tadbirkorlarni xabardor qilish hamda bu boradagi ularning huquqiy bilimlarini oshirish maqsadida oʻtkazilgan yigʻilishda tadbirkorlar Oʻzbekiston Respublikasi Vazirlar Mahkamasining 2015-yil 31-iyuldagi 219-sonli qarori bilan tasdiqlagan "Xususiy tadbirkorlar tomonidan xodimlarni yollagan holda tadbirkorlik faoliyatini amalga oshirish tartibi toʻgʻrisida”gi Nizomga muvofiq xodimlarni yollagan holda xususiy tadbirkorlar tomonidan amalga oshiriladigan faoliyat turlarining roʻyxati bilan tanishtirildi. Unga koʻra, chakana savdo, qonunchilikda belgilangan roʻyxat boʻyicha hunarmandchilik faoliyati, maishiy xizmatlar, qonunchilikda belgilangan roʻyxat boʻyicha hunarmandchilik faoliyatidan tashqari faoliyatning boshqa turlarida yuqoridagi Nizom talablariga muvofiq yakka tadbirkor qancha xodimni yollashi mumkinligi haqida tushunchalar berildi.
Bundan tashqari, bir necha faoliyat turi bilan shugʻullanadigan xususiy tadbirkor faoliyatning turlari sonidan qatʼiy nazar, 3 nafardan koʻp boʻlmagan xodimlarni yollash huquqiga ega ekanligi, shuningdek xodimlarni yollagan xususiy tadbirkorni davlat soliq xizmati organlarida hisobga olish xususiyatlari, yollangan xodimlarning mehnat stajini hisoblash, ularni davlat soliq xizmati organlarida hisobga olish va soliq solish tartiblari haqida tadbirkorlarga batafsil maʼlumotlar berildi.
Hamza QURYaZOV,
tuman prokuraturasi tergovchisi.
(Foto - http://turkistonpress.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
