“Biz – barkamol avlod, porloq kelajak bunyodkorlarimiz” tanloviga

                           Biz  - Vatanning  kelajagimiz

Men Vatan deganda avvalo, tugʻib voyaga yetkazib, oq yuvib, oq tarab ulgʻaytirayotgan onamni tushunaman, mening suyanch togʻim boʻlgan otamni tushunaman va hayotda menga toʻgʻri yoʻl koʻrsatgan ustozlarimni tushunaman. Shuning uchun men ota-ona va ustozlarimiz haqida sheʼr yozishga harakat qilaman. Yana men, Vatan deganda kindik qonimiz toʻkilgan tuproqni tushunaman. Vatan bu bizga buyuk ajdodlarimizdan qolgan muqaddas goʻshadir. Vatan  – ostonadan boshlanadi. Shuning uchun bu Vatanni oila timsolida koʻrish mumkin. Vatanimiz bu bizning  tayanchimiz va suyanchimizdir.

Har kuni koʻramizki, jahon  reytingida bizning Vatanimiz barcha sohalarda yetakchi oʻrinlarga chiqib bormoqda. Shuning uchun ham Prezidentimiz "Farzandlari sogʻlom yurt qudratli boʻlur, qudratli yurting farzandlari sogʻlom boʻlur”, – deydi va farzandlar sogʻlomligi, barkamolligi haqida qaygʻuradi.  Shunday ekan, biz Vatanimizni faqat sevishimiz emas, uni buyuk ajdodlarimiz kabi koʻz qorachigʻimizday asrashimiz lozim. Vatan tushunchasi faqat tilimizda emas, balki dilimizda ham boʻlishi lozim. Vatanimiz - bu bizning faxr-u iftixorimizdir. Shunday ekan, muhtaram Prezidentimiz Islom Karimov aytganlaridek biz farzandlar: "Vatan menga nima berdi? – deb emas, "men Vatanga nima berdim?” deb yashashimiz lozim. Chunki biz – Vatanning kelajagimiz.

Aziza OʻROZBOYeVA,

"Barkamol avlod” bolalar markazi "Yosh jurnalist va notiq” toʻgaragi aʼzosi.

Non uvogʻi

Nonni koʻchada emang,

Uvogʻi tushmas demang.

Otam unni topadi, 

Onam nonni yopadi.

Choʻgʻdan qizarsa tandir,

Zumda non tayyor axir.

Deya oʻylamang bekor,

Nonning koʻp uvoli bor.

Goho erda yotadi,

Boʻlaklari qotadi.

Noshud aqli kaltalar,

Hatto baʼzan kattalar,

Axlat chelakka tashlar.

Kimki nonni qilsa xor,

Oʻzin ham etgay xor-zor.

Uvol qilmoqlik yomon,

Nonning uvogʻi ham - non.

Iroda YeRDOShEVA,

38-sonli maktab oʻquvchisi.

Kasal boʻlgan oymomo

Kasal boʻlgan Oymomo,

Yotibdi betob boʻlib.

Koʻrpa qilib olibdi,

Bulutni toʻp-toʻp qilib.

Kerakdir dori-darmon,

Shunda yoʻqolar armon.

Kechalar  ertak aytar,

Yana bizga armugʻon.

Bunyodbek YOʻLDOShEV,

8-sonli ixtisoslashtirilgan davlat umumtaʼlim maktabining 5-sinf oʻquvchisi.