MUROJAATLAR HAMIShA EʼTIBORDA
Oʻzbekiston Respublikasi Prezidentining "Tadbirkorlik subʼektlariga "Yagona darcha” tamoyili boʻyicha Davlat xizmatlari koʻrsatish tartibini yanada takomillashtirish chora-tadbirlari toʻgʻrisida”gi qarori va Oʻzbekiston Respublikasi Vazirlar Mahkamasining 2014-yil 7-yanvardagi "Koʻchmas mulkka boʻlgan huquqlarni davlat roʻyxatidan oʻtkazish tartibini takomillashtirish toʻgʻrisida”gi 1-sonli qarori asosida tuman yer tuzish va koʻchmas mulk kadastri davlat korxonasiga 3 xil – yer uchastkalarini, bino inshootlarini va ipoteka shartnomalarini davlat roʻyxatidan oʻtkazish kabi xizmatlar yuklatilgan.
Joriy yilning shu kunigacha tuman "Yagona darcha” markazidan tuman yer tuzish va koʻchmas mulk kadastri davlat korxonasiga yoʻllangan 47 yuridik shaxslarning yer maydoni va bino inshootlariga kadastr hujjatlari tayyorlanib, belgilangan muddatda davlat roʻyxatidan oʻtkazildi.
Masalan, Mangʻit shahrining Beruniy nomli mahallasi, Qipchoq koʻchasida joylashgan "Sultonbek Saparboyev” MChJning doʻkon binosi uchun yer va bino inshootga boʻlgan huquqi belgilangan muddatda davlat roʻyxatidan oʻtkazilib, guvohnoma berildi.
Yana shunday tadbirkorlik subʼektlaridan Mangʻit shahrining Madaniyat koʻchasida joylashgan "Davum Rajab” MChJning hamda Berdaq nomli koʻchasida joylashgan "Xalilla ota” xususiy firmasining ipoteka shartnomalari ham qisqa muddatda davlat roʻyxatidan oʻtkazildi.
Biz tadbirkorlik subʼektlariga "Yagona darcha” tamoyili boʻyicha koʻrsatadigan xizmatimizni yanada kengaytirishga harakat qilamiz. Bundan keyin ham tadbirkorlar murojaatlari hamisha eʼtiborimizda boʻladi.
Oʻ.YuLDAShEV,
tuman yer tuzish va koʻchmas mulk kadastri davlat korxonasi boshligʻi.
(Foto - http://xorazmdsenm.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
