Mening biznes gʻoyam
Yoshlarni tadbirkorlikka jalb qilish maqsadida joriy yilning 20 mart sanasida "Mening biznes gʻoyam” loyihasi doirasida akademik litsey va kasb-hunar kollejlari oʻquvchilari oʻrtasidagi tanlovning tuman saralash bosqichi oʻtkazildi. Tuman bosqichida Mangʻit Iqtisodiyot kolleji oʻquvchilaridan Muazzam Fayzullaeva, Gulnoza Asqarova hamda Madina Karimovalarning tayyorlagan biznes loyihalari yuqori baholanib, gʻolib deb topildi va tanlovning Qoraqalpogʻiston Respublikasi bosqichida ishtirok qilish uchun yoʻllanma berildi.
Tanlovning ikkinchi bosqichi 26-28-aprel kunlari Nukus shahridagi "Yoshlar markazi”da 3 kun davomida oʻtkazildi. Bu bosqichda Mangʻit iqtisodiyot kolleji oʻquvchilari Muazzam Fayzullaeva "Qandolatchilik mahsulotlari” va Gulnoza Asqarova "Gulchilik” loyihalari bilan ishtirok qilishib, gʻoliblikni qoʻlga kiritishdi va tanlovning Oʻzbekiston Respublikasi bosqichiga yoʻllanma oldilar.
Bugungi kunda ilmga chanqoq yoshlarni qoʻllab-quvvatlash, ular isteʼdodini namoyish qilish uchun yoshlarga berilayotgan imkoniyatlardan unumli foydalanayotgan oʻquvchilarimizning kelgusida ham oʻz intilishlari tufayli yuksak choʻqqilarni zabt etishiga ishonamiz.
Farrux RAJABOV,
Mangʻit Iqtisodiyot kolleji "Kamolot” YoIH boshlangʻich tashkiloti etakchisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
