MAQSADIMIZ – QULAY TADBIRKORLIK MUHITINI YaRATISh

"Xususiy mulk, kichik biznes va xususiy tadbirkorlikni ishonchli himoya qilishni taʼminlash, ularni jadal rivojlantirish yoʻlidagi toʻsiqlarni bartaraf etish chora-tadbirlari toʻgʻrisida”gi Oʻzbekiston Respublikasi Prezidentining 2015-yil 15-maydagi PF-4725-sonli Farmoni mazmun-mohiyatini tushuntirish maqsadida tuman Davlat Soliq inspektsiyasi xodimlari seminarlar, yigʻilishlar shuningdek, har haftaning juma kunlari inspektsiyaning faollar zalida tadbirkorlar bilan uchrashuvlar tashkil qilishmoqda.

Oʻtkazilayotgan uchrashuvlarda Respublika iqtisodiyotida xususiy mulkning oʻrni va rolini tubdan kengaytirish, xususiy mulk va xususiy tadbirkorlikni rivojlantirish yoʻlidagi toʻsiq va cheklovlarni bartaraf etish borasidagi harakatlar, yalpi ichki mahsulotda xususiy mulk ulushini izchil  oshirish yoʻl-yoʻriqlari va tadbirkorlarga yaratilayotgan imkoniyatlar keng targʻib qilinmoqda.

Tadbirkorlarning vaqtini tejash va qulayliklar yaratib berish maqsadida "Yagona darcha” markazi tashkil qilindi va tadbirkorlar bir vaqtning oʻzida barcha hujjatlashtirish ishlarini, yaʼni davlat roʻyxatidan oʻtish, alkogol mahsulotlari uchun litsenziya olish uchun qulayliklar yaratildi. Tuman Davlat soliq inspektsiyasi tomonidan 2016-yil uchun belgilangan byudjet parametrlari, soliq stavkalari, soliq solish tartibi hamda soliq toʻlash muddatlari toʻgʻrisida tushuntirish ishlari amalga oshirilmoqda.

Farmonda 2015 yilning 1-iyulidan mikrofirmalar, kichik korxonalar va fermer xoʻjaliklari faoliyatiga oid barcha tekshiruvlar rejali tartibda nazorat organlari tomonidan toʻrt yilda bir martadan, boshqa xoʻjalik subʼektlarida esa faqat Oʻzbekiston Respublikasi Nazorat qiluvchi organlar faoliyatini muvofiqlashtiruvchi respublika kengashi qaroriga asosan uch yilda bir martadan koʻp boʻlmagan tartibda amalga oshirilishi belgilangan.

Tadbirkorlik subʼektlari tekshiruvlariga kelgusi yil uchun shu yilning oktyabr-noyabr oylarida Oʻzbekiston Respublikasi Nazorat qiluvchi organlar faoliyatini muvofiqlashtiruvchi respublika kengashiga tekshirish rejasiga kiruvchi korxonalar reyestrlari taqdim qilinadi. Mazkur Farmon kuchga kirgandan soʻng tumanda faoliyat koʻrsatib kelayotgan korxonalarni 2016-yil uchun rejali tekshirishga qoʻyilishi belgilangan tartibda Oʻzbekiston Respublikasi Nazorat qiluvchi organlar faoliyatini muvofiqlashtiruvchi respublika kengashiga oxirgi oʻtkazilgan tekshirishga uch yildan oshgan korxona, tashkilotlar tavsiya qilindi.

Bizning bu saʼy-harakatlarimizdan maqsadimiz tumanimizda tadbirkorlikning rivojlanishiga hissa qoʻshishga qaratilgandir.

Gʻulomjon YuSUPOV,

tuman DSI bosh inspektori.

(Foto - http://uchquduq-gazeta.uz)