IShIMIZDA BARAKA BOʻLADI
2011-yilning 3-yanvaridan eʼtiboran Mangʻit shahrida bizning "Asia Silk” Vetnam shoʻʼba korxonamiz ishga tushirilib, oʻzining dastlabki mahsulotlarini ishlab chiqara boshladi. Bundan oldin 80 nafar kishi Namangan va Urganch shaharlaridagi ipakchilik oʻquvishlab chiqarish korxonalarida oʻqitilib, ishlab chiqarish koʻnikmalari hosil qilingan edi. 2011-yil davomida 90 tonna quruq pilla xom ashyosi qayta ishlanib, 36 tonna xom ipak mahsuloti tayyorlandi va buyurtmachi sanoat korxonalariga joʻnatildi. 2012-yilda ham shu taxlit ish maromi amalga oshirildi. Lekin yil davomidagi barcha ish kunlarida mahsulot ishlab chiqarildi, deya olmaymiz. Chunki pilla xom ashyosi yetishmovchiligi tufayli koʻp ish kunlarida dastgohlar behuda turib qoldi. Vaholanki, bizning dastgohlarimizning ishlab chiqarish quvvatlari yil davomida 250 tonna quruq pilla xom ashyosini qayta ishlab, 60 tonnadan 70 tonnagacha xom ipak mahsuloti ishlab chiqarishga moʻljallangan.
Bu yilgi pilla hosilining moʻl boʻlganligi bizni ham quvontirmoqda. Eng muhimi, dastgohlarimiz toʻla quvvatlarda ishlashi taʼminlanib, mahsulot ishlab chiqarishdagi uzilishlar barham topadi va ishimizda baraka boʻladi.
Yoqubjon TOʻRAYeV,
"Asia Silk” Vetnam shoʻʼba korxonasi direktori.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
