FIDOYI

(Lavha)

Hayot – tasodiflarga töla. Iş vaqti tugab, endigina ustki kiyimlarini almaştirib bölganida, bölim mudirining xonasiga deyarli yugurib kirib kelgan navbatçi hamşira:

- Olimboy aka, yangi bemorni olib kelişdi, ahvoli juda oğir,  – deya xabarladi.

Bunday xabarni eşitgan şifokor "kim u, qayerlik?” – deb suriştirib ötirmaydi. Ayniqsa, butun boşli şoşilinç tibbiy yordam bölimidagilar zudlik bilan bemorning ahvolini yaxşilaş çoralarini körişayotgan paytda. Olimboy Şomurodov esa bölim mudiri, boşqalardan köra masʼuliyatni çuqurroq his qilişga odatlangan. U yelkasiga xalatini taşlagança bölimning bemorlarni qabul qiliş xonasiga oşiqdi. 5-6 yoşlardagi bola onasining qölida huşsiz yotar, rangida qon yöq edi. Zudlik bilan bolani tekşiruvdan ötkazişdi. Bolalar jarrohi Şukurilla Ismoilov, terapevt Zulxumor Gaipova, bolalar reanimatologi Egambergan Xidirovlar  bilan birgalikda ötkazilgan tekşiruv natijalaridan söng bemor bolaning ovqatdan zaharlangani maʼlum böldi. Vujudi ötolov bölib yonayotgan bolakayning hayoti uçun kuraş boşlandi. Oşqozon yuvilganida şu narsa maʼlum böldiki, hazm qiliş organlari haddan taşqari zöriqib turgan bir paytda bolani ota-onasi özlariça "davolaşgan”, turli xil tabletkalar içirişgan. Natijada bolaning kiçkina jussasi bu notöğri "davo usuli”ni kötara olmay, huşidan ketgan.

Şu kuni tuman tibbiyot birlaşmasining şoşilinç tibbiy yordam bölimi şifokorlari ham, bölim mudiri Olimboy Şomurodov ham bir zum tin olişmadi. Tongda issiği tuşib, öziga kelgan bolakay va bundan xursand bölgan ota-onaning quvonçini körgan Olimboy Şomurodov horğinlik bilan öz  xonasiga kirganida devordagi soat uning yangi iş kuni boşlanganini körsatib turardi.

Yangi iş kuni. Kimningdir dardiga darmon böliş, muşkulini oson qiliş bilan boşlanadigan xayrli iş soatlari. 25-yildirki, Olimboy Şomurodovning hayoti insonlarga şirin hayot gaştini ato etiş, salomatlik, oilalariga quvonç baxş etişdek ezgu iş bilan egiz. 1991-yilda 1-Toşkent davlat tibbiyot oliygohini jarrohlik mutaxassisligi böyiça tugatib, oddiy jarroh-şifokor sifatida öz iş faoliyatini boşlagan Olimboy Şomurodov öz kasbiga bölgan çeksiz mehr-muhabbati va sadoqati tufayli el aro obrö-eʼtibor qozondi. Kasbdoşlari, ayniqsa, ustozlari, qolaversa, tuman tibbiyot birlaşmasi rahbariyatining işonç va hurmatiga sazovor böldi.

- Mamlakatimizda mustaqillik yillarida inson salomatligiga eʼtibor davlat siyosatining ustuvor yönalişiga aylandi, - deydi Olimboy Şomurodov özi rahbarlik qilayotgan şoşilinç tibbiy yordam bölimining bugungi  imkoniyatlari haqida gapirarkan. – Muhtaram Birinçi Prezidentimiz I.A.Karimovning 1998-yil 10-noyabrdagi "Özbekiston Respublikasi Soğliqni saqlaş tizimini isloh qiliş davlat dasturi töğrisida”gi Farmoni ijrosini taʼminlaş maqsadida TTB boş şifokorining buyruğiga asosan şoşilinç tibbiy yordam bölimining taşkil etilişi tumanimiz xalqiga tez va sifatli tibbiy xizmat körsatiş imkoniyatini yaratdi.

Haqiqatan ham mazkur bölim taşkil etilgan 2000-yilda 15 ta öringa ega bölgan bölsa,  tibbiyot birlaşmasi rahbariyatining qöllab-quvvatlaşi tufayli örinlar soni 2013-yilda 40 taga yetkazildi. Bundan ham muhimi, jarrohlik xonasi va muolaja xonalari zamonaviy tibbiy asbob-anjomlar bilan jizohlandi. Bölimning moddiy-texnika bazasi tubdan yangilanib, 17 turdagi eng zamonaviy davolaş-diagnostika jihozlari olib kelib örnatildi. Faqat 2015-yilning özida bitta yangi EKT tibbiy apparati va jami qiymati 11 mln. 966 ming 400 sömlik qattiq jihozlar hamda 2 mln. 850 ming sömlik yumşoq jizohlar bilan jihozlangan bölimda nafaqat şifokorlar va bemorlar uçun, balki öz yaqinlarini körgani kelganlar uçun ham köngildagiday qulayliklar yaratildi. Oğir ahvolda bölimga keltirilgan bemorlarning yaqinlari uçun yaratilgan qulay şart-şaroitlardan, şinam va ozoda maişiy  xonalardan bemorlar ham, ularning yaqinlari ham mamnun.

– Bölimimiz şifokorlarining 16 nafari oliy toifali, - deydi mamnuniyat bilan Olimboy Şomurodov. – Bu – jami xodimlarimizning 50 foizini taşkil etadi. Xodimlarimizning 4 nafari birinçi, bir nafari esa ikkinçi toifaga ega. Bölimda barça şifokorlar navbati bilan öz malakalarini oşirib borişadi. Örta tibbiyot xodimlari uçun birlaşmamizda doimiy ravişda malaka oşiriş öquv jarayonlari olib boriladi. Tajribali şifokorlar tomonidan  ötkaziladigan bu öquv jarayonlarida tibbiyot sohasidagi yangiliklar, ayniqsa, dorişunoslik sohasidagi yangiliklar xususida batafsil maʼlumotlar beriladi.

Ana, bölimga yana yangi bemor keltirildi. Avtohalokat natijasida jiddiy şikastlangan er-xotinning holati barça mutaxassislar iştirokida zudlik bilan tekşiruvdan ötkazildi. Ayolning homilador ekanligi maʼlum bölgaç, ginekolog şifokor, bolalar reanimatologi, urolog, terapevt şifokorlar ham jarrohlik amaliyotiga jalb etildi. Bir emas, ikki  emas, uç insonning hayoti uçun kuraş boşlandi. Bölim şifokorlarining fidoyiligi, öz vaqtida körsatilgan tibbiy yordam, aniq qöyilgan taşxis tufayli, jarrohlik muvaffaqiyatli yakunlandi. Er-xotinning ham, ona qornidagi yetti oylik çaqaloqning ham hayotlari saqlab qolindi. Hali dunyoga kelmasdan yöl hodisasi tufayli hayotning ilk zarbasiga uçragan mitti vujud  çaqaloqlarni jonlantiriş bölimiga ötkazildi. Gödakning yaşab ketişiga yuz foiz umid borligini bilgaç, jarrohlik xonasida hayot uçun kuraşgan şifokorlarning barçasi bir-birlarini tabriklaşdi.

Olimboy Şomurodovning köz öngida özining tört nafar farzandi, erining işdan qaytişiga hamişa şirin taom tayyorlab, kutib ötiradigan rafiqasi Soliya gavdalandi. Bugun ham tun yarmidan oğdi. Bolalar şifokor otasini kuta-kuta uxlab qolişgan bölsa kerak. Faqat rafiqasi... rafiqasi usti doka bilan yopilgan xontaxtaning bir çekkasida eşikka qaragança kutib ötirgan böladi har gal.

Şifokorning esa beorom tunlarining aslo adoği yöq. Bu beorom tunlarni bir ezgu maqsad yoritib turadi – xalq salomatligini saqlaş. Ana şu maqsad sari intilgan salomatlik posbonlari safida mening qahramonim – Qipçoq qişloğida tuğilib-ösgan, el-yurt xizmatiga hamişa kamarbasta, tuman tibbiyot birlaşmasining şoşilinç tibbiy yordam bölimi boş şifokori Olimboy Şomurodov ham bor.

Robiya YÖLDOŞEVA.