Amudaryo tumanida 2016-yilda ijtimoiy-iqtisodiy rivojlantirish yakunlari hamda 2017-yilgi iqtisodiy dasturining eng muhim ustuvor vazifalari haqida tuman hokimining hisoboti toʻgʻrisida

Qoraqalpogʻiston Respublikasi Konstitutsiyasining 97-moddasiga, "Mahalliy davlat hokimiyati toʻgʻrisida”gi Qoraqalpogʻiston Respublikasi Qonunining 221-moddasiga hamda xalq deputatlari Amudaryo tuman Kengashi Reglamentining 6012-moddasiga asosan Amudaryo tumanida 2016-yilda ijtimoiy-iqtisodiy rivojlantirish yakunlari hamda 2017-yilgi iqtisodiy dasturining eng muhim ustuvor vazifalari haqida tuman hokimi S.Yoʻldashevning hisobotini tinglab va muhokama qilib, xalq deputatlari tuman Kengashi QAROR QILADI:

1. Amudaryo tumanida 2016-yilda ijtimoiy-iqtisodiy rivojlantirish yakunlari hamda 2017-yilgi iqtisodiy dasturining eng muhim ustuvor vazifalari haqida tuman hokimi S.Yoʻldashevning hisoboti maʼlumot uchun qabul qilinsin.

2. Amudaryo tumanida 2016-yilda ijtimoiy-iqtisodiy rivojlantirish yakunlari hamda 2017-yilgi iqtisodiy dasturining eng muhim ustuvor vazifalari haqida tuman hokimining hisoboti qoniqarli deb topilsin.

3. Hisobot davrida eng muhim ustuvor vazifalarning bajarilishida:

– masʼuliyati cheklangan jamiyat shaklidagi "Mangit invest plyus” Oʻzbekiston-Xitoy qoʻshma korxonasi (Q.Boymurotov), "Mega Amudaryo” masʼuliyati cheklangan jamiyati (G.Allabergenov), "Amudaryo buyan” masʼuliyati cheklangan jamiyati (A.Sadullayev), "Agat avto qurilish servis” shoʻʼba korxonasi (S.Qurbonboyev) va "Jumamurod Nonvoy” fermer xoʻjaligi (O.Qurbonboyev) tomonidan eksport rejalari bajarilmaganligi;

– Oʻzbekiston Respublikasi Prezidentining 2009-yil 3 avgustdagi "Qishloq joylarda uy-joy qurilishi koʻlamini yanada kengaytirishga oid qoʻshimcha chora-tadbirlar toʻgʻrisida”gi PQ-1167-sonli qaroriga muvofiq namunaviy loyihalar asosida uy-joylar qurilishi ishlarida "Amudaryo qurilish” masʼuliyati cheklangan jamiyati (T.Yadgarov) tomonidan sustkashlikka yoʻl qoʻyilgani;

– "Ellikqalʼa neftebazasi” unitar korxonasi Qaratau filiali (N.Sobirov), "Qoraqalpoqagrokimyohimoya” aktsiyadorlik jamiyatiga qarashli Amudaryo tuman filiali (U.Bekniyazov), "Shimolgaztaʼminot” unitar korxonasining "Amudaryotumangaz” filiali (Sh.Tajibayev) va "Qoraqalpoq hududiy elektr tarmoqlari” aktsiyadorlik jamiyati tuman elektr taʼminoti korxonasi (A.Yuldashev) tomonidan debitorlik qarzdorlikning oʻsib ketishiga yoʻl qoʻyilgani koʻrsatib oʻtilsin.

4. Amudaryo tuman hokimligi (S.Yoʻldashev):

– 2017-yilda tumanni ijtimoiy-iqtisodiy jihatdan rivojlantirish, ishlab chiqarishni modernizatsiyalash va diversifikatsiyalash yoʻnalishidagi islohotlarni, ayniqsa, sanoatda va qishloq xoʻjaligini tubdan tizimli oʻzgartirishlarni soʻzsiz davom ettirish, shuningdek, kichik biznesni jadal rivojlantirish va ushbu soha vakillarining manfaatlarini himoya qilishni taʼminlash;   

– 2017-yilda mahalliy byudjet daromadlari bazasini kengaytirish, moliyaviy potentsialini mustahkamlash hamda mahalliy byudjetning respublika byudjetidan olinadigan subventsiya miqdorini kamaytirish boʻyicha kompleks chora-tadbirlarni ishlab chiqish, korxona-tashkilotlar bilan birgalikda yil oxiriga qadar subventsiya ulushini kamaytirish ilojlarini koʻrish;

– "Xalq bilan muloqot va inson manfaatlari yili” davlat dasturiga kiritilgan chora-tadbirlarning oʻz vaqtida va sifatli bajarilishi boʻyicha ishlarni muvofiqlashtirish va ushbu tadbirlarning bajarilishini tizimli nazorat qilish;

– 2017-yilgi Investitsiya dasturiga kiritilgan  ijtimoiy soha va muhandislik-kommunikatsiya obʼektlarini oʻz vaqtida foydalanishga topshirish boʻyicha zarur choralarni koʻrib borish;

– qishloq joylarida namunaviy loyihalardagi turar joylar qurilishi boʻyicha yoʻl qoʻyilgan kamchiliklarni bartaraf qilish hamda bu boradagi ishlarda tegishli tashkilotlar masʼuliyatni oshirish;

– 2017-2021-yillarda muhandislik-kommunikatsiya va yoʻl-transport infratuzilmasini rivojlantirish dasturining asosiy tadbirlarini soʻzsiz amalga oshirish;

– 2017-yilda yangi ish oʻrinlarini tashkil etish va aholi bandligini taʼminlash dasturi koʻrsatkichlarining soʻzsiz bajarilishini taʼminlash, ayniqsa, kollej bitiruvchilarini ishga joylashtirishning aniq ilojlarini koʻrib borish;

– 2017-yilda eksport koʻrsatkichlarining toʻliq bajarilishini taʼminlash maqsadida esportyor korxonalarga har tomonlama amaliy yordam koʻrsatish topshirilsin.

5. Xalq deputatlari tuman Kengashi doimiy komissiyalari raislari va deputatlariga:

– 2017-yilga moʻljallangan ijtimoiy-iqtisodiy rivojlanishning eng muhim yoʻnalishlarining maqsadli dasturlarining bajarilishini doimiy nazoratga olish va tanqidiy jihatdan baho berish, jamoat va nodavlat tashkilotlari bilan birgalikda dasturlarning bajarilishi ustidan jamoat nazoratini amalga oshirish;

– dastur loyihalarining bajarilishi yuzasidan hududdagi tegishli tashkilotlar rahbarlarining hisobotlarini doimiy komissiyalar majlislarida muhokama qilib borish;

– tuman hududini rivojlantirish boʻyicha belgilangan loyihalarning amalga oshirilishini oʻz saylov okruglarida nazorat qilish vazifalari topshirilsin.

6. "Taraqqiyot koʻzgusi” gazetasi, Amudaryo televideniyesi va amunews.uz veb-sayti tahririyatlariga ushbu qarorni hamda tuman hokimining hisobotini yoritish tavsiya etilsin.

7. Ushbu qarorning ijrosini nazorat qilish xalq deputatlari tuman Kengashining mahalliy byudjetni shakllantirish va uni ijro etish, iqtisodiy islohotlarni amalga oshirish hamda tadbirkorlikni rivojlantirish masalalari boʻyicha doimiy komissiyasi raisi M.Kazakov zimmasiga yuklatilsin.

Sessiya raisi:  M.Saʼdullayev.

Sessiya kotibi:  B.Shermanov.

2017-yil 26-yanvar. 101/28-05-son