Xalq deputatlari Amudaryo tuman Kengashining oʻttizinchi sessiyasi toʻgʻrisida AXBOROT
2017 yil 6-mart kuni xalq deputatlari Amudaryo tuman Kengashining 30-sessiyasi boʻlib oʻtdi. Sessiyada Oʻzbekiston Respublikasi Oliy Majlisi Qonunchilik palatasi Spikeri Nurdinjon Ismoilov, Oʻzbekiston Respublikasi Oliy Majlisi Qonunchilik palatasining Qoraqalpogʻiston Respublikasidan saylangan deputatlari, Qoraqalpogʻiston Respublikasi Joʻqorgʻi Kengesi raisining oʻrinbosari Otajon Hamroyev, Joʻqorgʻi Kengesning tumandan saylangan deputatlari, xalq deputatlari tuman Kengashi deputatlari, tuman hokimligi va huquqni muhofaza qiluvchi organlar xodimlari, muassasa, korxona va tashkilotlar rahbarlari ishtirok etdilar.
Sessiya kun tartibiga "Amudaryo tumanida hududni rivojlantirishning eng muhim vazifalarini hal etish, fuqarolarning huquqlari, erkinliklari va qonuniy manfaatlarini taʼminlash yuzasidan Oʻzbekiston Respublikasi Oliy Majlisi Qonunchilik palatasi deputatlari va Senat aʼzolari tomonidan oʻtkazilgan oʻrganish natijalari toʻgʻrisida”gi masala kiritildi.
Oʻrganishlar natijalari shuni koʻrsatdiki, tumanda mutasaddi idora va tashkilotlar tomonidan hududni ijtimoiy-iqtisodiy rivojlantirish hamda aholi farovonligini oshirish maqsadida olib borilgan amaliy ishlar natijasida 2016-yilda sanoat mahsulotlarini ishlab chiqarish hajmi 179,5 mlrd. soʻmni tashkil qilib, 2015-yilga nisbatan 116,5 foizga, xalq isteʼmol tovarlari ishlab chiqarish hajmi 83,3 mlrd. soʻmni tashkil qilib, 107,0 foizga oshgan.
Tijorat banklari tomonidan 2016-yilda kichik biznes subʼektlariga 46 mlrd. 85 mln. soʻm miqdorida kredit mablagʻlari ajratilgan. Natijada 4858 dan ziyod ish oʻrinlari yaratilgan.
Sessiyada erishilayotgan natijalar bilan birga aholining ijtimoiy hayotini yaxshilash borasida yechimini kutayotgan muammolar mavjudligiga eʼtibor qaratildi.
Xususan, kasb-hunar kollejlari bitiruvchilarini ish bilan taʼminlash, tuman aholisini toza ichimlik suvi bilan taʼminlash borasida kamchiliklar mavjudligi qayd etildi.
Deputat va senatorlar tashrifida boshqa vazifalar qatorida, sogʻlikni saqlash sohasi chuqur tahlil etildi. Chunonchi, tibbiyot muassasalarining birlamchi boʻgʻini — qishloq vrachlik punktlari faoliyatini hamda aholiga tibbiy xizmat koʻrsatish sifatini va dori-darmon vositalari bilan taʼminlashni yanada yaxshilash masalalari bugungi kunda dolzarb ahamiyat kasb etmoqda.
Sessiyada barcha jabhada qonuniylikni taʼminlash, huquqbuzarliklarning oldini olish, inson huquqlari va manfaatlarini himoya qilish borasidagi ishlarni, shuningdek, prokuratura, ichki ishlar va boshqa mutasaddi idoralar rahbarlarining xalq oldidagi hisobotlarini eshitish tizimini takomillashtirish lozimligi taʼkidlandi.
Bunda xalq deputatlari tuman Kengashi faoliyatini takomillashtirish, deputatlarning saylovchilar oldidagi masʼuliyatini, partiya guruhlari, doimiy komissiyalarning tashabbuskorligini oshirish maqsadga muvofiq ekani taʼkidlandi. Tumandagi ijtimoiy-iqtisodiy sohalardagi muammolarni Kengash yigʻilishlarida tizimli ravishda muhokama qilib borish, deputatlik nazoratini kuchaytirish ayni zarurat ekanligi qayd etildi.
Sessiyada muhokama qilingan masala yuzasidan tegishli qaror qabul qilindi.
Tuman hokimligining
axborot xizmati.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
